Кеше Қасым-Жомарт Тоқаевтың төрағалық етуімен Парламент Сенаты бюросының отырысы болды, деп хабарлады осы палатаның баспасөз қызметі.
Кеше Қасым-Жомарт Тоқаевтың төрағалық етуімен Парламент Сенаты бюросының отырысы болды, деп хабарлады осы палатаның баспасөз қызметі.
Бюрода Конституциялық заңнама, сот жүйесі және құқық қорғау органдары комитетіне Қазақстанның Түрік Республикасымен сотталған адамдарды беру туралы келісімді және Қытай Халық Республикасымен сотталған адамдарды беру туралы шартты, сондай-ақ, Қазақстан мен Чехия арасындағы қылмыстық істер бойынша өзара құқықтық көмек туралы шартты ратификациялау туралы заң жобалары берілді.
Бюро мүшелері, одан басқа, биылғы 7 қарашада болатын палата отырысының күн тәртібін талқылады. Отырыста халықаралық құжаттарды ратификациялау туралы бірқатар заң жобаларын қарау жоспарланып отыр. Олар – Түрік Республикасымен сотталған адамдарды беру туралы келісім, Қытай Халық Республикасымен сотталған адамдарды беру туралы шарт және Қазақстан мен Чехия арасындағы қылмыстық істер бойынша өзара құқықтық көмек туралы шарт. Сондай-ақ, сенаторлар еліміздің кейбір заңнамалық актілеріне еңбек көші-қон мәселелері бойынша өзгерістер мен толықтырулар енгізу туралы заң жобасын екінші оқылымда қарайтын болады.