Үкімет • 24 Қыркүйек, 2020

Қоғамдық бақылаудың мәні жоғары

100 рет
көрсетілді
1 мин
оқу үшін

Кеше Ақпарат және қоғамдық даму министрі А.Балаеваның төрағалығымен Мемлекет басшысы Қ.Тоқаевтың Қазақстан халқына Жолдауын талқылау бойынша «Қоғамдық бақылау: мемлекеттік органдармен өзара іс-қимыл тетіктері және заңнамалық бекіту» тақырыбында онлайн дөңгелек үстел өтті.

Қоғамдық бақылаудың мәні жоғары

Дөңгелек үстел жұмысына үкіметтік емес ұйымдардың өкілдері, сарапшылар, орталық және жергілікті деңгейдегі қоғамдық кеңестердің мүшелері және мүдделі мемлекеттік органдардың қызметкерлері қатысты. Өз сөзінде А.Балаева мемлекеттік органдар мен азаматтық қоғамның қоғамдық бақылауды дамытудағы өзара іс-қимылының маңыздылығын атап өтті.

Министр «Азаматтық альянстың» жаңа президенті Б.Нұрғазиеваға: «Біз Қазақстанның Азаматтық альянсы азаматтық белсенділіктің негізгі өзегіне айналып, ҮЕҰ мен мемлекеттік органдар арасында тұрақты байланыс орнататын маңызды элемент болатынына сенімдіміз», деді.