«Индер аудандық полиция бөлімі мен Төтенше жағдайлар департаментінің қызметкерлері, сондай-ақ, туыстары жұмылдырылды. Атырау облысының аумағы мен көршілес облыстың аудандарына ақпараттар жіберіліп, іс-шаралары ұйымдастырылды. Алайда бүгінге дейін нәтиже болмады. Соған қарамастан, іздестіру шаралары тоқтатылмады. Іздестіру жұмыстарын облыстық полиция департаментінің бастығы Қамза Үмбетқалиев бақылауына алды. Бүгін, 24 қыркүйекте жоғалып кеткен КамАЗ көлігінің жүргізушісі Индер ауданындағы «Көк ат» шаруа қожалығы орналасқан учаскеге таяу маңнан аман-есен табылды» деп хабарлады облыстық полиция департаментінің баспасөз қызметі.
