Дебат ережесі ескерілмеген, дипломатия талаптары сақталмаған пікірталаста Джо Байден АҚШ-тың қазіргі президенті Дональд Трампты мемлекет тарихындағы ең нашар басшы деп атаса, Трамп Байденнің әр сөзін бөліп, ойын аяқтауға мұрша бермеді. BBC агенттігі бұл тартыста жеңісті Джо Байденге беріп отыр. «Бұл сайыста Байденді америкалықтарға қысымға төтеп бере алатынын дәлелдеуге тырысқаны үшін жеңімпаз деп есептеуге болады. Сонымен бірге дебат тәртібін сақтап, Дональд Трампқа қарағанда оппонентінің сөзін бөліп, өзіне қарсы қандай сөз айтылса да әріптесіне ойын жеткізуге мүмкіндік берді» деп жазады.
Дебатта қозғалған тақырыптардың бірі әлі күнге дейін өзектілігін жоғалтпаған коронавирус болды. Трамп өзінің пандемиямен күрес шараларын айтып, соның нәтижесінде өлім саны 200 мыңнан аспағанын айтты. Осы ретте Дональд Трамп президенттікке Байден келсе, жағдай одан сайын нашарлайды деген болжамын жеткізді.
Екеуі бірін-бірі бірнеше қылмысқа қатысты деп айыптады. Дональд Трампқа расистік топтардың көбеюін қолдады деген айып тағылса, Байден 1993 жылы қылмыспен күрес жөніндегі заң жобасын қолдады, салдарынан қара нәсілді қылмыскерлердің көбейгенін ортаға салды.
Джордж Флойдтың да өлімі сөз болды. Басылымдар сәрсенбідегі дебаттың тарихта қаларына сенімді.
Теледебаттың модераторы Крис Уоллес екеуіне мардымды аргументтер айтып, өз бағдарламасын түсіндіруге тағы бір мүмкіндік берді. Алайда жақсы саяси стратегия орнына үміткерлер уақытты бос жіберіп, тіпті билеп кетті. Дональд Трамп өз сөзінде вице-президент Байденге «Мен 47 айда сен 47 жыл өміріңде бітірмеген жұмысты аяқтадым», деді.
