«Астана» университетінің қазақ тілі мен әдебиеті факультетінің студенттері Назарбаев орталығында көрнекті белгілі жазушы, Мемлекеттік сыйлықтың лауреаты Төлен Әбдікпен кездесті.
«Астана» университетінің қазақ тілі мен әдебиеті факультетінің студенттері Назарбаев орталығында көрнекті белгілі жазушы, Мемлекеттік сыйлықтың лауреаты Төлен Әбдікпен кездесті.
Аталған шараға жиналған ұстаздар мен студенттер жазушы шығармашылығы төңірегінде сөз қозғады. Алдымен сөз алған филология ғылымдарының кандидаты, профессор Ж.Боранбаева өз шәкірттерінің жазушы шығармаларымен жақсы таныс екенін атап көрсетсе, З.Дәулетова «Әке» повесіндегі замана көріністерін, ал Ә.Жұмаділлаев «Ақиқат» шығармасын сөз етті. Бұл күні қаламгердің басқа да шығармалары төңірегінде келелі ой қозғалды.
Өз кезегінде жазушы да оқырмандарымен ой бөлісті. Ол өзінің социалистік әдебиетке көңілі толмағандығын, өйткені, шындық әрқашанда тасада қала бергендігін айта келіп, сондай бұқпантайлық 1937 жылдары асылдарымыздың атылып кетуіне әкеліп соқтырғанын қынжыла жеткізді.
Өзінің айтуынша, Төлен ағамыз жоғары оқу орнының екінші курсында оқып жүргенде тырнақалды еңбектерін жариялай бастапты. Ал алғашқы жинағы төртінші курста оқып жүргенде жарық көріпті. Жазушы о баста поэзияға жақын болған, бірақ, уақыт өте келе біржола прозаға ауысады.
Кездесу барысында қазіргі кезде Алматыда сахналанып жүрген «Біз үшеу едік» пьесасы туралы да сөз қозғалды.
Назым ИСАҚ,
«Астана» университетінің
2-ші курс студенті.