Сервисте құжаттарды қашықтан тексеру, кәсіпкерді сәйкестендіру, тіркеуді растау бойынша бірқатар заманауи техникалық шешімдер бар. Жоба аясында Цифрлық даму министрлігінің, Kaspi.kz, Мемлекеттік кірістер комитетінің және "Е-лицензиялау" мемлекеттік мәліметтер базасының ақпараттық жүйелері біріктірілді.
"Мемлекеттік қызметтерді бизнес арқылы ұсыну идеясы министрліктің командасына тиесілі. Содан кейін - "ҰАТ" АҚ мен Kaspi.kz-тің үйлестірілген жұмысы. Бұл ел үшін тарихи сәт - неғұрлым танымал қызметтер бойынша мемлекеттік қызметтер көрсету. Біз бизнеспен белсенді түрде жұмыс істейтін боламыз, өйткені халыққа қызметтерді таңдау мүмкіндігі болуы керек", деді Бағдат Мусин, Қазақстан Республикасының цифрлық даму, инновация және аэроғарыш өнеркәсібі министрі.
Министрдің айтуынша, мұндай өзара іс-қимыл онсыз да ескірген электронды үкімет сайты ауыртпалығын едәуір азайтады және мемлекеттік қызметтер көрсетудің жаңа мүмкіндіктерін тудырады. Жеке кәсіпкерді тіркеу - бұл үлкен жоспарларды жүзеге асырудың алғашқы қадамы және бастамасы. Енді қазақстандықтар мемлекеттік қызметтерді өзіне ұнайтын жерде ала алады. Жеке кәсіпкерді тіркеу үшін енді осы қызметті Kaspi.kz қосымшасынан таңдап, сауалнаманы толтырып, Kaspi ЭСҚ көмегімен қол қою жеткілікті, деп атап өтті министрліктің баспасөз қызметі.
