Саясат • 06 Қазан, 2020

Партия мүшелерінің дауысы есептелді

224 рет
көрсетілді
4 мин
оқу үшін

Nur Otan партиясы ішкі іріктеудің алғашқы кезе­ңін аяқтады. Партияішілік сайлаудың бірінші кезеңі бойынша сайлаушылардың дауысын есептеу жұмысы кеше тәмамдалды. Прай­ме­риз өткізу жөніндегі Орталық ұйымдас­тыру ко­митетінің ақпаратына сәйкес төрт күн­ге со­зылған дауыс беруге 662 687 адам қаты­сып­ты. Бұл – тіркелген сайлаушылардың 84,2%-ы.

Партия мүшелерінің дауысы есептелді

Сайлаушылардың басым бөлігі, яғни 581 104 адам онлайн дауыс берсе, 81 583 азамат дәстүрлі әдісті пайдаланып, сайлау учаскелеріне келді. «Қағаз бюллетеньдердің барлығы партияның Орталық ұйымдастыру комитетіне жеткізіліп, расталды. Мәселен, Жамбыл, Түркістан және Қызылорда облыстарының шалғай аудандарынан жеткізілген қағаз бюллетеньдердің соңғы ле­гін таңертең  алдық. Енді барлық мәлі­мет «Праймериз» ақпараттық жүйе­сіне толық салынып, баршаға қолже­тімді болды (https://nurotan.kz және https://primaries.kz сайтында)», деді партия хатшысы Арман Қырықбаев.

Оның айтуынша, праймеризде бақ сынауға 10 990 адам бел байлапты. Олардың 36,7%-ы – әйелдер, 29%-ы – 35 жасқа де­йін­гі жастар. Бас­тауыш партия ұйым­дарынан кан­дидаттардың 30%-ы ұсынылса, 70%-ы өзін-өзі ұсынғандар. Үміткерлердің орташа жас мөл­шері 43 жасты құрады. «Осы көрсеткіштердің өзі-ақ елімізде ғана емес, бүкіл Орталық Азияда тұңғыш рет ұйымдастырылған жаңа саяси құрал – праймеризге жұрттың ерекше қызығушылық танытқанын және оның өз деңгейінде өткенін айқын көрсетті. Елбасы, партия Төрағасы Нұрсұлтан Назарбаев саяси доданы өткізер алдында «Праймериздің міндеті – халықтық партиялық тізім­дерді қалыптастыру» деп атап өткен болатын. Праймериз нәти­жесі партия Төрағасы қойған тапсыр­маның орындалуына қажетті алғы­шарттың нақты жасалғанын көрсетіп отыр.

Бастапқыда туындаған кейбір күдік пен күмәнге қарамастан, праймериз өте қарқынды да тартысты өтті. Әсіресе додаға қатысқандар арасында жастар мен әйелдер қатары мол. Партия праймериздің арқасында өз қатарластары арасынан елдің қолдауы мен сеніміне ие болған үздіктерді іріктеді», деп отыр А.Қырықбаев.

Партия хатшысының айтуын­ша, праймериз өткізу барысында пар­тияның ауызбіршілігі артып, ор­тақ мақсат жолындағы мұрат­тас жандардың біртұтас күшіне ай­налды. Яғни праймериз партия­ластарды бір-бірімен тығыз байла­ныс­тыратын, бірлігін бекемдейтін дә­некерлік қызмет атқарды. Прай­мериз барысында халықтың назарына ұсынылған 216 сайлауал­ды бағдарламаның жобасы ой еле­гінен өткізіліп, оған 20 мыңнан ас­там ұсыныс жиналды. Тыңнан ой қосылып, аталған жобалар халық­тық сипатқа ие болды.

«Біз елімізде өткен прайме­ризде оның шетелдерде қалып­тас­қан классикалық үлгісіне тән бел­гі­лердің барлығы да көрініс тап­қанына куә болдық. Қатысушылар ара­сында пікірсайыс та, тартыс та, тіп­ті кейде бір-бірін айыптау да ұшы­расты. Бірақ бәрі де бекітілген ере­жеге сай, әдептен аспай өтті. Бұл жерде жеңген мен жеңілген деген жоқ. Бәрі де ұтты. Прайме­риз ең алдымен еліміз үшін игі іс болды. Бүкіл праймериз өткізу кезеңі бойы Партиялық бақылау коми­теті тыңғылықты жұмыс жасап, тәр­тіп бұзу­шы­лық­тарға жедел назар аударып, тиісті ша­ра­лар қабылдады. Атап айтқанда, 30-дан астам арыз бен өтініш қарал­ды. Праймериз өткізу ережесін бұзғаны үшін партияның 20 мүшесі жауап­кер­шілікке тартылды, дауыстарды бұр­ма­лау фактілері үшін 7 кандидат, прай­мериз өткізу ережесін сақтама­ғаны үшін 27 үміткер тіркеуден шы­ғарылды», дейді партия хатшысы.

Оның айтуынша, праймериз нә­ти­жесінде Елбасы бастамасы­мен былтыр қолға алынған пар­тия­ны «қайта жандандыру» бағдар­ла­масы түйінделді. Партия түбе­гейлі жаңғырып, қатары жаңа тұлға­лармен толықты. Осылайша, «Мықты лидерлер – мықты партия» қағидаты жүзеге асты. «Nur Otan партиясы – мемлекеттілігіміздің мызғы­мауын, еліміздің өсіп-өркен­деуін қамтамасыз етуге де бірден-бір қауқарлы саяси күш. Мұны праймериз нәтижелері анық көр­сетті. Партия елімізде жаңа саяси мәдениетке негіз қалады. Осы­нау айтулы шараға қатысқан барша үміткерді шын жүректен құт­тық­таймыз!» деді  А.Қырықбаев.

Соңғы жаңалықтар

Судан да сақтану керек

Қоғам • Бүгін, 22:35

Керек дерек

Digital • Бүгін, 09:50

Отандық жаңа зауыт іске қосылды

Экономика • Бүгін, 09:50

«Мен – Отан қорғаушымын!»

Байқау • Бүгін, 09:40