Оқиға • 06 Қазан, 2020

Пациенттерді қабылдауға дайын ба?

114 рет
көрсетілді
2 мин
оқу үшін

Денсаулық сақтау вице-министрі Ажар Ғинияттың төрағалығымен «МСАК ұйымдарының COVID-19 шалдыққан пациенттерді қабылдауға дайындығы» тақырыбында онлайн-семинар өтті. Жиынға амбулаториялық-емханалық ұйымдардың басшылары мен өңірлердегі Денсаулық сақтау басқармаларының өкілдері қатысты.

Пациенттерді қабылдауға дайын ба?

А.Ғиният Қазақстандағы эпидемиялық жағ­дай мен COVID-19 екінші толқынына дайын­дық ая­сында қабылданып жатқан шаралар туралы хабардар етті.

«Қазіргі уақытта Қазақстанда коронавирус инфекциясы бойынша эпидемиялық жағдайды тұрақ­тандыруға қол жеткіздік. Бірақ, бұған қара­мастан, шетелдерде коронавирус инфекциясына қатысты жағдайдың қиындап бара жатқанын бай­қап отырмыз», деді ол.

Вице-министр ЖРВИ және тұмауға шалдық­қандарға назар аударды. Ол жыл сайын күзгі-қыс­қы кезеңде жоғарғы тыныс алу жолдары вирус­тық аурулары өршитінін атап өтті. Министр­лік ЖАО-мен бірлесіп Covid-19 корона­вирус инфекциясының таралуын тоқтату мақсатында медициналық ұйымдарды күзгі-қысқы кезеңге да­йындау бойынша жұмысты жалғастыруда. Бұл үшін министрлік мониторинг жүргізіп, республиканың 16 өңірін аралап шықты.

«Өңірлер мобильді бригадамен және ЖМК бригадаларымен, сондай-ақ пульсоксиметр, термометр, ЖҚҚ қамтамасыз етілуіне қарамастан, жүйелі және барлық облыстарға тән бірқатар проблемалық мәселенің барын атап өткен жөн. Осыған байланысты біз семинар-тренинг ұйым­дас­тырдық. Бұл кездесу жоғарыда аталған проблемаларды жоюға және Covid-19 күдікті пациенттерге медициналық көмек көрсету үшін шешім қабылдауға ықпал ететініне сенімдімін», деді вице-министр.

Семинар барысында МСАК ұйымдарының басшылары ЖРВИ және COVID-19-ға шал­дық­қан пациенттерге медициналық көмек көр­сетуге дайындық барысымен бөлісті. Олар ха­лықты дәрі-дәрмек, кадрмен қамтамасыз ету бойын­ша емханалардың дайындығы, емхана деңгейінде дағдарысқа қарсы штаб құру, мобильді бригадалардың жұмысы, үйдегі стационарды ұйымдастыру, сондай-ақ медицина қызметкерлері мен халықты қорғау үшін қабылданған эпидемияға қарсы іс-шаралар туралы айтып берді.

Семинар қорытындысы бойынша МСАК ұйым­дары халыққа уақтылы және сапалы медициналық көмек көрсету және күзгі-қысқы кезеңде COVID-19, басқа да вирустық инфекциялық аурулардың ықтимал өсуіне 100% дайын болу үшін шаралар қабылдайды деп күтілуде.