ІЖӨ, карантин және тұтынушылық сұраныс
Шектеу шаралары мен ішкі жалпы өнім (ІЖӨ) арасында тікелей байланыс бар екендігі белгілі. Бұрын дүкен аралап сауда жасайтын жұрттың үйден шығуы мұңға айналды. Есесіне, үйде отырып «сатып алу» деген батырмаға байланғандар саны күрт өскен дейді мамандар. Google, Allianz Research, Qualified.One, Яндекс, Otonomo, Apple, Euler Hermes іздеу жүйелерінде бұл сөз бірнеше айдың ішінде ең көп қолданылған сөздер қатарына кірді. Бұл – тұтынушылық сұраныстың толық дерлік интернетке көшкенін көрсеткенімен, әлемдік экономиканы дағдарысқа дейінгі кезеңде ұстап тұру үшін әлсіз болып отыр.
Ақпараттық сұрау жүйесі
COVID-19 адамдардың үрейін ұшырса, карантиндік оқшаулану режімі оларды іздеу, іздену шараларына бейімдей бастады. Жаһан жұртшылығы тарапынан ақпараттық сұраныс арта түскен. Мәселен, сәуір айынан бастап әлемдік сегментте «неге?», «қалай?» және «не?» деген сөздерді қамтитын веб-іздеу сұрауларының саны наурыз айымен салыстырғанда 1,6 есеге өсіпті. Қазір күздің алғашқы айы екенін ескерсек, бұл көрсеткіш тағы 4 есеге артқан.
Жарнама және маркетинг
Жаһандық өзгерістерден кейін бизнес маркетингтік стратегияларды бейімдеуге мәжбүр болды. Жалпы, бұл өзгерістер әдеттегі жарнамалық арналардан интернетке ауысу үрдісін жиілетті деуге негіз бар. Digital-агенттіктерімен және жарнама агенттіктерімен байланысты іздеу сұрауларының көлемі Google және Qualified.One жүйелерінде күрт өскен. Бұл классикалық жарнама агенттіктерінің танымалдылығы төмендесе, керісінше, цифрлы қызметтер барған сайын танымал бола бастағанын білдіреді. Мәселен, АҚШ нарығында ең танымал онлайн-арна SEO 2020 жылдың тамызында 2019 жылға қарағанда 2,6 есе жиі ізделген. Бұл жылына 160% өсімді көрсетіп отыр.
Интернет маркетинг жайлы айтқанда, жарнама агенттіктерінен бөлек, әлеуметтік желіні де ұмытуға болмайды. Өйткені мазмұнды маркетингке деген сұраныс бір жылда 33%-ға өскен. Ал Google Adwords және Facebook желілеріндегі мақсатты жарнамалары 21-22%-ға танымал болды.
