Оқиға • 08 Қазан, 2020

Табиғи монополиялар мәселелері бойынша кеңес өтті

185 рет
көрсетілді
2 мин
оқу үшін

Сауда және интеграция министрлігінің қызметкер­лері бейнеконференция байланыс режімінде өткен Табиғи монополиялар мәселелері жөніндегі сараптамалық кеңеске қатысты.

Табиғи монополиялар мәселелері бойынша кеңес өтті

Күн тәртібіндегі негізгі мәсе­­ле «Та­биғи монополиялар сала­­­ла­рын рет­теуді үндестіру мә­се­ле­­лері» та­қы­рыбын­дағы ғы­лы­ми-зерт­теу жұмысы­ның кезек­ті ке­зеңі­нің есебіне ЕАЭО-ға мү­ше мем­­ле­кеттердің тұжы­рым­да­ма­лық ескертулерін талқылау болды.

ЕАЭО-ға мүше мемлекет­терде табиғи монополиялар саласындағы өзекті мәселе­лердің ашықтығын және жан-жақты қаралуын қамтамасыз ету мақсатында бұл зерттеу­ді «Табиғи монополиялар проблемалары институты» АВЕҰ тәуелсіз компаниясы жүр­гізе­тінін атап өткен жөн.

Тұтастай алғанда, ҒЗЖ зерт­теудің түпкі мақсаты – ЕАЭО-ға мүше әрбір мемлекет үшін табиғи монополиялар сала­ларындағы жақындасуға жататын және табиғи монополия­лар субъектілерінің қыз­ме­тін реттеудің бірыңғай қағи­даттары мен қағидаларын іске асыруды қамтамасыз ете­тін нормативтік құқықтық акті­лерге ұсыныстар мен ұсыным­дар әзірлеу.

Мұндай құжатты мұқият пысықтаудың маңыздылығын ескере отырып, қазақстандық тарап пікірталастарға белсенді қатысты. Оның қорытындысы бойынша қазақстандық тарап­тың ҒЗЖ ұсынымдарына бір­қатар ескертпелері мен ұсыны­с­ы ескерілді, ал еске­ріл­меген ескертулер бойынша Қазақстан Республикасының ерекше пікі­рін жазу шешілді.

Осылайша, Қазақстан тарапы жылу және электр энергиясын беру, бөлу және жабдықтау қызметтерін көр­сету, темір жол қызметтері, газ тасымал­дау, әуе­жайлар және т. б. мәсе­ле­лер бойын­ша қа­ғи­даттық ұста­ным­ды ұстанады.

Бұл зерттеу ұсынатын ұсы­ныс­тардың тек ұлттық егемен­­дікке (белгілі бір қызмет­терді та­биғи монополиялар мә­р­тебе­сінен айыру) әсер ететіндігі­мен байланысты, мұндай жағдай сезімтал нарық­тарды сақтау жөніндегі ұлттық мүдделерге сәйкес келмейді.

Кеңес соңында тараптар ҒЗЖ бойынша есеп жобасы тараптардың ұсыныстарын ескере отырып, пысықтауды және қосымша талқылауды талап етеді деген пікірге келді. Кезекті жиналыс ағымдағы жылдың 15 қазанында өтеді.