Қайғылы оқиға болған күні 15 және 7 жастағы апалы-сіңлілі Секисовка ауылындағы апайының үйінде болған. Оқушы қыздар пешті жағып, өздері жатып қалады. Таңертең қыздардың анасы оларды ес-түссіз күйде тапқан. Келген жедел жәрдем дәрігерлері балалардың екеуі де қайтыс болғанын мәлімдеді. Мамандар қыздардың көміртек тотығымен уланғанын растады.
"Қайғылы жағдайға жылу пешінің мұржасындағы жабық ысырма себеп болды. Қыздар қараусыз қалып, пеш жағып, үйді жылытамыз деп қайтыс болды", деді Глубоковский ауданындағы төтенше жағдайлар бөлімінің бастығы Константин Боровиков.
