Алматыдағы мәйітхана директоры пара алды деген күдікпен қамалды

Прокуратураның келісімі бойынша Сыбайлас жемқорлыққа қарсы қызмет "Қалалық патологиялық бюроның" директорын ұстады.

"Ол қалада салынып жатқан патологиялық анатомиялық бюрода медициналық жабдықты жеткізуге қабылдау-тапсыру актісіне қол қою үшін кәсіпкерден 14 миллион теңге пара алды деп күдіктелуде", деді қадағалаушы орган.

Күдікті Алматыдағы тергеу абақтысына қамалды.