Медицина • 16 Қазан, 2020

Қазақстанда қандай дәрігерлер жетіспейтіні жарияланды

15 рет көрсетілді

Денсаулық сақтау министрлігінің Республикалық денсаулық сақтауды дамыту орталығының бас директоры Қанат Төсекбаев Қазақстанда 4122 дәрігер жетіспейтінін айтты, деп хабарлайды Egemen.kz

"2020 жылдың 15 шілдесіндегі жағдай бойынша дәрігер кадрларынан 5 201 адам тапшы, ең көбі Қостанай облысында жетіспейді - 624 штаттық бірлік. Жас мамандарды өңірлерге бөлгеннен кейін бұл мәселеде оң динамика байқалады: 10 қыркүйектегі жағдай бойынша республикада кадр тапшылығы 1079 бірлікке азайды", деді Төсекбаев ОКҚ онлайн-брифингінде.

Оның айтуынша, қазіргі уақытта 4 122 дәрігер жетіспейді. Елдегі орта медициналық персонал бойынша тапшылық - 8 583.

Мына мамандықтарда дәрігерлер өте аз және жетіспейді:

- анестезиолог-реаниматологтар - 393 штаттық бірлік;

- терапевтер - 346,75 штаттық бірлік;

- ЖПД - 319,5 штаттық бірлік;

- дәрігер-зертханашылар - 226 штаттық бірлік;

- психиатрлар - 213 штаттық бірлік;

- акушер-гинекологтар - 203,5 штаттық бірлік;

- педиатрлар - 202,75 штаттық бірлік;

- инфекционистер - 121,5 штаттық бірлік;

- эпидемиологтар -102,5 штаттық бірлік;

- неонатологтар - 85,25 штаттық бірлік.

Соңғы жаңалықтар

Ұқсас жаңалықтар