Бүгін Алматы облысының бас санитар дәрігері Ерғали Сыдыманов карантинді күшейту жөніндегі жаңа қаулыға қол қойды.
Атап айтқанда, түнгі клуб, бар, кинотеатр, караоке, бильярд, аттракциондар, интернет клубы, антикафе, батут, балалар алаңдары, толымдылығы 50 адамнан асатын мейрамханалар мен банкет залдарының жұмысына тыйым салынды.
Бір отбасы мүшесі болмаса, жалпы үш адамнан артық топтасып жүруге болмайды. "Қазпошта" бөлімшелері, халыққа қызмет көрсету орталықтары мен банктер таңғы 9-ден кешкі 18.00 дейін жұмыс істейді.
Сонымен қатар, жасы 65-тен асқан кісілердің сыртқа шығуына шектеу қойылады.
