Соның ішінде Тексеру комиссиясы 2020 жылдың бірінші жартыжылдығында 23 объектіде 3 аудиторлық және 3 сараптамалық-талдау іс-шарасын өткізді. Тиімділік аудиті 100 пайызды, ал жоғарыда көрсетілген іс-шараларды жалпы қамту – бюджет қаражаты мен мемлекет активтерінің 15 млрд теңгесін құрады.
Сыртқы мемлекеттік аудиттің пайдасы зор екендігі практикада көрініп отыр. Бұл квазимемлекеттік сектор субъектілері мен мемлекеттік органдардың бюджет қаражаты мен мемлекет активтерін дұрыс жұмсауын бағалауға мүмкіндік береді. Осы аудиттік іс-шаралардың қорытындысы бойынша биыл алғашқы жартыжылдықта заңбұзушылықтардың жалпы сомасының 30%-ын қаржылық бұзушылықтар құрайтыны анықталды. Бұл, біздің ойымызша жұмыс тиімділігін көрсеткен жақсы көрсеткіш.
Сондай-ақ өткен жылы қаржылық бұзушылықтары 2018 жылмен салыстырғанда 28%-ға төмендегенін атап өту қажет. Бұл – жергілікті атқарушы органдарда қаржылық тәртіптің нығайғанын көрсетеді. Ал 2020 жылдың 6 айында 2019 жылдың сәйкес мерзімімен салыстырғанда бюджет қаражаты мен мемлекет активтерінен 13 млн теңге артық қалпына келтірілген. Бұл қаржылық тәртіп нығайғанымен бюджет қаражаты шығыстарының бұзушылығы азаймай отыр деген сөз.
2020 жылдың алғашқы жартыжылдығында облыстық бюджеттің түсімдері 122 354,8 млн теңгеге жоспарланған болса, ол іс жүзінде 137 275,2 млн теңгені құрап, 112,2%-ға орындалды. Түсімдердің 81 пайызы, яғни 111 544,1 млн теңгесі кірістерден (негізінен салықтар мен алымдар), 13,5 пайызы немесе 18 473,2 млн теңгесі қарыздардан түсетін түсімдерден, қалғаны бюджеттік кредиттерді өтеуден тұрады. Қарыздардан түсетін түсімдерді тұрғын үй құрылысын қаржыландыру және Жұмыспен қамтудың жол картасын іске асыру үшін әкімдік шығаратын бағалы қағаздардан түсетін түсімдер құрайды.
2020 жылдың қаңтар-маусым айларында шығыстар бойынша облыстық бюджет 100 %-ға орындалды. Ең көп шығындар «Трансферттер», «Ауыл, су, орман, балық шаруашылығы, ерекше қорғалатын табиғи аумақтар, қоршаған ортаны және жануарлар дүниесін қорғау, жер қатынастары», «Білім беру», «Тұрғын үй-коммуналдық шаруашылық» және «Көлік және коммуникация» салаларына бөлінген.
Қазіргі уақытта Президенттің дағдарысқа қарсы қаражаттың тиімді жұмсалуына мониторинг пен бақылауды қамтамасыз ету жөніндегі тапсырмаларын іске асыру басым бағыт болып табылады. Облыста «Жұмыспен қамтудың 2020-2021 жылдарға арналған жол картасының» жобаларын іске асыру бойынша 6 769 жұмыс орнын ашу қамтамасыз етілген. Өңірде әлеуметтік-мәдени нысандар» бағыты бойынша 157 жоба, тұрғын үй-коммуналдық шаруашылық объектілерін» тұрғызуға – 82, инженерлік-көліктік инфрақұрылым объектілеріне – 78 және елді мекендерді абаттандыруға 60 жоба қарастырылған.
Биылғы 10 тамыздан бастап «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы» мен «Жұмыспен қамтудың 2020-2021 жылдарға арналған Жол картасы» мемлекеттік бағдарламасының 3-ші бағытын іске асыру тиімділігіне мемлекеттік аудит өткізіліп, оған бюджет қаражаты мен мемлекет активтерінен жалпы сомасы 32 107,0 млн теңге қамтылды.
«Ауыл – ел бесігі» жобасы шеңберінде облыстың ауылдық елді мекендерінде әлеуметтік және инженерлік инфрақұрылымды дамытуға 2020 жылға 4 920,0 млн теңге бөлініп, 2020 жылғы 1 шілдедегі жағдай бойынша 931 915,2 мыңы игерілді.
Әрбір мемлекеттік аудиттің қорытындысы бойынша тексеру комиссиясы мемлекеттік аудит объектілерінің бірінші басшыларының қатысуымен, облыстық және аудандық мәслихат депутаттарымен, аудан әкімдерімен және мемлекеттік органдардың бірінші басшыларымен бірлесіп отырыс өткізді.
Биыл Тексеру комиссияның отырыстары Nur Otan партиясының облыстық филиалында өткізілуде. Аудит қорытындысы бойынша 2020 жылдың 1 жартыжылдығында қаржылық тәртіпті нығайту және анықталған бұзушылықтарды жою мақсатында 5 ұсыныс пен 25 тапсырма берілді.
Солтүстік Қазақстан облысы
