Сегіз жыл бұрын инспектор Жақсылықбаев серіктесімен бірге Ақтөбе қаласының шетінде такси жүргізушісіне шабуыл жасаған қарақшыларды ұстауға тырысқан. Қылмыскерлер тәртіп сақшысын атып тастады.
Инспектор қайтыс болғаннан кейін Ерлігі үшін үшінші дәрежелі "Айбын" орденімен марапатталды. Марқұмның отбасына ақысыз баспана уәде етілген, бірақ әлі берілмепті.
Инспектордың жесірі Гүлфия Жақсылықбаева уәде етілген пәтерге қол жеткіземін деген үмітпен ұзақ уақыттан бері әкімдік есігін қағып жүргенімен, нәтиже болмаған.
"Әкімдік пәтерге уәде берді. Олар біздің мәселелерімізді сұрады, бізде баспана мәселесі бар екенін айттық, оны жөндейміз деді, бізге көмектесіңіздер. Бірақ бұның бәрі уәде", дейді жесір әйел.
Гульфия да полицияда жұмыс істейді. Ол ұлымен қызметтік пәтерде тұрады, бірақ бұл баспана тұрақты емес.
Ал облыстық энергетика және тұрғын үй-коммуналдық шаруашылық басқармасы отбасы кезегі келгенде пәтер алатынын айтып отыр.
"Тұрғын үй қатынастары туралы заңға сәйкес, оған пәтер кезегі бойынша беріледі. Бұл толық емес отбасы, оның нөмірі толық емес отбасы үшін 2215, ал әлеуметтік жағынан осал топтар қатарында 3994", деді Ақтөбе облысының энергетика басқармасы және тұрғын үй-коммуналдық шаруашылық бөлімінің бастығы Айдана Есбатырова.
Шенеуніктер жесір әйел бірден екі санатта тұр деп түсіндірді. 2010 жылдан - мемлекеттік қызметкер ретінде, ал екі жылдан кейін, күйеуі қайтыс болған соң әлеуметтік осал отбасылар санатына қосылды. Бірақ бұл баспана алу жылдамдығына әсер етпейді.
