Оқиға • 27 Қазан, 2020

Алматыдағы Журналистер аллеясы

13 рет көрсетілді

«Бір тал кессең, он тал ек» деген ұстаным алматылықтар үшін айнымас қағидаға айналғандай. Жасыл желекке оранған жазира қаланың тұрғындары әр аптаның демалыс күндері ағаш егіп, сауапты іске кенеліп жүр. Қолына қалам ұстаған тілшілер қауымы да бұл игі бастамадан сырт қалған жоқ. Алматының ең бір шұрайлы жерінде журналистер аллеясы пайда болды.

Демалыс күні қаламын күрекке айыр­бастаған төртінші билік өкілдері Абай даң­ғылының бойына 200 үйеңкі ағашының көшетін отырғызды. Игілікті бастамаға үн қосқан журналистер қауымы бүгін еккен талшыбығымыз саялы бәйтерекке айналса деген тілекте. «Алматыбасжоспар» мекемесі ғимаратының алдындағы бұл орын бұдан былай журналистер алаңқайы деп аталмақ. Аллея Абай даңғылының бо­йымен, Гагарин даңғылынан Жароков көшесіне дейін созылып жатыр. Бұқаралық ақпарат құралдарының редакциялары өздерінің көшеттеріне маңдайшалар орнатып, есімдерін жазып қалдыруды да ұмытпады.

– Қаламызда ағаш егу маусымы қызу жүріп жатыр. БАҚ өкілдері де бұл іске өз үлестерін қосты. Биыл бір маусымда 250 мың ағаш егеміз. Бұл – соңғы 20 жылдағы рекордтық көрсеткіш. Былтыр және алдыңғы жылдары бір маусымда ең көп дегенде 40 мың көшет отырғызған едік. Біз баса назарға алып отырған бір нәрсе – ағашты егіп қана қоймай, оны күтіп баптау. Бұрын ағаш егілсе, ол туралы ұмытылып кететін. Ең бірінші жыл – жауапты кезең. Себебі, дәл сол кезде өсімдік жақсы күтімді талап етеді. Ағаш та адам баласы сияқты, оны үнемі баптап отыру керек. Бүгін үйеңкі көшеттерін отырғыздық. Бұл ағаш баяу өседі. Тамыры терең бойламайды. Ағаш егілетін кезде бірнеше фактор ескеріледі. Мәселен, инженерлік желілер, су, электр, телефон желілері. Біз қа­ланы осыған байланысты бірнеше аймаққа бөлдік. Әр аймаққа тән ағаштар бар. Бүгінгі аллеяға дендрологтардың пікірін ескере отырып үйеңкі таңдалды, – дейді Алматы қалалық Жасыл экономика басқармасының басшысы Наталья Ливинская.

Басқарманың мамандары БАҚ қыз­меткерлеріне ағаштарды күту мен баптау ережелерін сипаттайтын парақшалар таратты. Талап бойынша, әр ағаш жылына 72 рет суғарылуы керек.

 

АЛМАТЫ

 

Соңғы жаңалықтар

Доллар бағасы тағы арзандады

Экономика • Бүгін, 11:30

Күлше қыз

Театр • Бүгін, 09:25

Гүлдердің сырын ұққан...

Өнер • Бүгін, 09:24

Қалдықты кәдеге жаратты

Аймақтар • Бүгін, 09:22

Ақылы автожол көбейді

Қазақстан • Бүгін, 09:18

Digital теңсіздік

Технология • Бүгін, 09:14

Елін сүйген ерен ер

Тарих • Бүгін, 09:11

Расиманың асүйі

Қоғам • Бүгін, 09:07

Алакөлге пойызбен баруға болады

Аймақтар • Бүгін, 09:01

Асарлатып алтыншы үй салды

Аймақтар • Бүгін, 09:00

1500 отбасы баспаналы болады

Аймақтар • Бүгін, 08:58

Ұлы мұрат ұстыны

Пікір • Бүгін, 08:54

Ұқсас жаңалықтар