Саясат • 27 Қазан, 2020

Ынтымақтастықты нығайтуға уағдаласты

12 рет көрсетілді

Елордада Қорғаныс министрі Нұрлан Ермекбаев түркиялық әріптесі Хулуси Акармен кездесті. Екі елдің қорғаныс ведомстволары басшыларының кездесуінде өңірлік қауіпсіздік, әскери және әскери-техникалық ынтымақтастық, соның ішінде кадрлар даярлау және әскери білім беру, жауынгерлік даярлық, оқу-жаттығуларға қатысу мәселелері талқыланды.

 

– Бүгін Түркияның Қорға­ныс министрі Хулуси Акар осы ведом­ствоның басшысы ретінде Қазақ­станға алғаш рет ресми сапармен келіп отыр. Өздеріңіз білетіндей Түркия біздің стратегиялық әріп­тесіміз саналады. Бұл страте­гиялық әріптестіктің берік негізі ең алдымен екі мемлекеттер бас­шы­ларының өте жақын, сенім­ді, достастық қарым-қаты­насы деп білеміз. Осыдан екі жыл бұрын Елбасы Нұрсұлтан Назарбаев­тың Түркияға ресми сапа­ры барысында маңызды құжат­тарға қол қойылды. Әске­ри ын­тымақтастық жөнінде және құ­пия мәліметтерді сақтау жөнінде келісім жасалды. Ал енді құ­қық­тық базаны нығайту мақсатында екі протокол да­йындалып жатыр, – деді Нұрлан Ермекбаев.

Осылайша Қазақстан мен Түр­кия қорғаныс саласындағы өзара ынты­мақ­тастықты дамы­туға әзір екендігін растап отыр. Бұл рет­те Қазақстан Түркиямен көп жос­парлы стратегиялық қаты­нас­тарды нығайтуға үлкен мән береді. Екіжақ­ты өзара іс-қи­мылды кеңейтуде біздің мем­ле­­кет­теріміздің басшылары арасын­дағы достық пен өзара түсіністік ахуалы шешуші рөл атқаратынын да айта кеткен жөн.

– Қадірлі әріптесім әрі досым Қорғаныс министрі Нұрлан Ермекбаевпен жемісті кездесу өткіздік. Біз екі ел арасындағы қор­ға­ныс мәселесіне қатысты ынты­мақ­тас­тығымыздың ауқы­мын одан әрі кеңейтуді және ны­ғай­та түсуді талқыладық. Мемле­кет­тер басшыларының өзара диа­логы мен тығыз қарым-қатына­сы­ның арқа­сын­да біздің жұмы­сымыз аса жеңіл жүрді деп айта аламын. Осылайша біз қол жет­кізіл­ген келісімдерді жүзеге асыру мә­се­лесін кеңестік. Мен енді Индус­­трия және инфра­құ­рылым­дық даму министрлігіне барып, Бейбіт Атамқұлов мырза­­мен кездеспекпін. Онда біз қор­ғаныс өнеркәсібі туралы әңгі­ме­ле­сетін боламыз. Сондай-ақ осы мүм­кіндікті пайдалана оты­рып, маған және мен бас­тап келген делегацияға зор құр­мет көрсетіп жатқаны үшін әріптесім Нұрлан Ермек­­баевқа шынайы алғысымды біл­­­діремін. Екі ел арасындағы ын­ты­­мақ­тастықты нығай­туға үлесін қосып жүрген қор­ғаныс ведом­с­тво­­­сының басшы­лы­ғына, барша әскери қызметші­лерге алғыс айтамын, – деді Х.Акар.

2018 жылдың қыркүйегінде Қа­зақстанның Тұңғыш Прези­денті – Елбасы Нұрсұлтан Назар­баевтың Анкараға ресми сапары барысында бірқатар маңызды екіжақты құжат­тарға, соның ішінде әскери ынты­мақтастық туралы келісімге қол қойылған болатын. Түрік Қа­­рулы Күштері мен Бас штабы алғашқылардың бірі болып Қа­зақ­станның Қарулы Күш­теріне олар­дың қалыптасуы мен дамуының бастапқы кезе­ң­ін­де жан-жақты қолдау көрсетті.

Түрік Республикасы 1990 жә­не 2000 жылдардың басында ұйым­дастыру техникасын, карто­графиялық жабдықтарды, бай­ланыс құралдарын, жүріп өту мүмкіндігі жоғары автомо­биль­дерді қоса алғанда, қазақ­стандық Қарулы Күштер үшін өтеу­сіз негізде әскери мүлік жет­кізді.

Бұдан әрі тараптар көпмақ­сатты жеңіл броньдалған авто­мобильдерді, оптикалық-элек­трон­дық құралдарды жеткізу және бірлесіп өндіру жолымен өзара тиімді өзара іс-қимылға көшті. Әскери білім беру шеңбер­інде Түркияның әскери училище­лерінде курсанттарды оқыту жүр­гізіледі, сондай-ақ Қазақстан Қарулы Күштерінің әскери қыз­метшілерін түрлі оқу орталық­тарында даярлау жүзеге асырылады. 2020 жылға қазақстандық та­рап­тың өтініші бойынша «Ки­бер­қау­іпсіздік» мамандығы бойын­ша оқыту үшін квоталар бөлінді.

Өз кезегінде, өткен жы­лы Қа­­зақстан Қорғаныс минис­тр­­лігі алғаш рет түрік әскери қыз­мет­шілерін Ұлттық қорғаныс универ­ситетінің базасында оқы­туды ұйым­дастырды. Келіс­­сөздер бары­сында осы ба­ғыт­тағы ынты­мақ­тастықты жал­ғас­­тыру туралы шешім қа­был­­данды. Жауын­герлік даярлық саласындағы ынты­мақ­тас­­­тық­тың неғұрлым өзекті бағытта­рының бірі – арнайы опе­ра­ция­лар күштерін даярлау (дивер­сияға қарсы, тау-кен, сүң­гуірлік даярлық, қалалық жағ­дай­лардағы іс-қимылдар).

Қазақстандық әскери қыз­мет­шілердің Түркия аумағында қысқы кезеңде төмен температуралар кезінде өткізілетін «Эфес» көпұлтты оқу-жат­тығуы­на және «Кыш» оқу-жат­ты­­ғуына қаты­суы жауынгерлік даяр­лық дең­гейін арттыруға, сон­дай-ақ әр­түрлі жағдайларда жа­уын­герлік іс-қимылдар дағ­ды­­ларын пысық­тауға мүм­кін­дік береді.

Кездесу соңында Қорғаныс министрі Нұрлан Ермекбаев Түркия Қорғаныс министрінің Қазақстанға сапарының қоры­тын­дылары әскери және әске­ри-техникалық саладағы екі­жақты өзара іс-қимылға жаңа серпін беретінін және қауіп­сіздік мүд­делеріне қызмет ете­тінін атап өтті.

Соңғы жаңалықтар

Саңлақтар сыр бермеді

Спорт • 27 Қараша, 2020

Тұрғын үй алаяғы қолға түсті

Қоғам • 27 Қараша, 2020

Алматы облысында жер сілкінді

Оқиға • 27 Қараша, 2020

Ұқсас жаңалықтар