Түркиядағы жер сілкінісі құрбандарының саны 114-ке жетті

Түркия үкіметі жанындағы төтенше жағдайлардың алдын алу және жою басқармасының мәліметіне сәйкес, 30 қазандағы жойқын жер сілкінісінен кейін Түркияның батысында 1713 соққы тіркелді.

Зардап шеккен 1035 адамның 898-і ауруханалардан шығарылды, Измирдің 137 тұрғыны ем қабылдауды жалғастыруда. Іздеу-құтқару жұмыстары қираған 17 тұрғын үйдің 15-інде аяқталды.