Облыс аумағындағы кез келген тұрғын бас санитариялық дәрігердің қаулысына сәйкес санитарлық талаптарды сақтамағандарды 87784746935 WhatsApp номері бойынша бейне-сурет жіберу арқылы хабарлай алады. Келіп түскен шағымдардың барлығы тиісті органдармен бірлесіп қаралатын болады.
Тұрғындардан келіп түскен алғашқы хабарлама бойынша мобильді топ Өскемендегі "Fora", "Мечта" техникалық-тұрмыстық маркетіне және «Оливье» асханалар желісіне барып, санитарлық-эпидемиологиялық талаптардың сақталуына мониторинг жүргізді.
Нәтижесінде 60-тан астам тұтынушыға бір мезетте қызмет көрсетіп, санитарлық талаптарды бұзғаны үшін полиция қызметкерлері асхана қызметкерлері мен әкімшісінен түсініктеме алды. Әкімшілік хаттама толтыру үшін дәлелдеме материалдарды ШҚО санитариялық-эпидемиологиялық бақылау департаментіне жіберілді.
Бетперде тағу, арақашықтықты сақтау және өзге де талаптар ескерусіз қалмау үшін арнайы мобильді топ күнделікті рейд жүргізеді.
