«Азаматтық қорғаныс туралы» заң жобасына А.Перуашевтің ұсыныстарын депутаттар қолдамады деген ТЖМ-нің мәлімдемесі – жалған. «Ақ жол» ҚДП парламенттік фракциясының депутаттары брифингте осылай деп мәлімдеді.
Бұл туралы айта келіп, депутат Меруерт Қазбекова, мәселен, былай деп атап өтті: «Жалпы, министрліктер мен ведомстволардың Президенттің сынына орай әрекеттері таңғаларлық екендігін атап өтуді қажет деп санаймыз.
«Азаматтық қорғаныс туралы» заң жобасына А.Перуашевтің ұсыныстарын депутаттар қолдамады деген ТЖМ-нің мәлімдемесі – жалған. «Ақ жол» ҚДП парламенттік фракциясының депутаттары брифингте осылай деп мәлімдеді.
Бұл туралы айта келіп, депутат Меруерт Қазбекова, мәселен, былай деп атап өтті: «Жалпы, министрліктер мен ведомстволардың Президенттің сынына орай әрекеттері таңғаларлық екендігін атап өтуді қажет деп санаймыз.
Орталық коммуникациялар қызметіндегі өткен жолғы брифингте біздің әріптесіміз, фракция жетекшісі Азат Перуашев Мемлекет басшысының: «Тексерулерді оңтайландыруға қызмет етуі тиіс тәуекелдерді басқару жүйелері әрбір мемлекеттік органмен өз қалауынша жасалған. Олар бірыңғай әдіснамасыз жұмыс істейді», деген сөздерін нақпа-нақ келтірді.
Бұған байланысты Перуашев қазіргі таңда Парламенттің талқылауындағы «Азаматтық қорғаныс туралы» заң жобасын мысалға келтірген, онда ТЖМ коммерциялық ұйымдар жүргізетін «тәуекелдерді тәуелсіз бағалау» деп аталатын жүйені заңдастыру ұсынылады және ол мемлекеттік бақылауды ауыстырмақ. Біз мұны, Президенттің Жарлықтарын қоса алғанда, заңнамамен тікелей тыйым салынған мемлекеттік бақылау мен тексерулерді коммерцияландыру жүріп жатыр деп есептейміз. ТЖМ-мен ұсынылған тәсілдемелер сыбайластық-жемқорлықтық өрісті кеңейтеді, кәсіпкерлерді өртке қарсы қызмет жағынан тексеруден бас тартқызуға айырбас жасатып, «тәуекелдерді тәуелсіз бағалау» деп аталатын қызметтерге төлеуге мәжбүрлейді, деген еді фракция жетекшісі.
Енді, міне, бүгін ТЖМ, дерексөз келтіремін: «Азаматтық қорғаныс туралы» заң жобасына А.Перуашевтің ұсыныстарын депутаттар қолдамады», деген сияқты мәлімдеме таратты.
ТЖМ-нің біздің ұсыныстарымыздың «депутаттар тарапынан қолдау таппады» тәрізді мәлімдемесі шындыққа жанаспайды. Бүгінгі күні салыстырмалы кестеде жұмыс тобымен қабылданған және қолдау білдірілген Перуашевтің және бірлескен авторлардың, оның ішінде басқа да фракциялардан қатысқан, толып жатқан түзетулері бар. Бұл №2, 3, 6, 9, 25, 39, 43, 44, 46, 65, 67 және т.б. түзетулер – барлығы 70-тен астам Перуашевтің түзетулері қазірдің өзінде қабылданған, тағы ондаған түзетулер жұмыс процесінде немесе Үкіметке қорытынды жасауға жіберілген.
Әрине, көптеген қабылданбаған түзетулер де (ол да 70 шамасында) бар, бірақ А.Перуашевтің барлық түзетулері әріптестерімен қабылданбады деп қыңырлықпен мәлімдеме жасау – демек, бұл қоғамды әдейі, қасақана адастыру.
Мүмкін, ТЖМ өзінің қалауын шындық деп көрсеткісі келетін болар, бірақ бұл оны анық емес, дәйексіз ақпарат таратқаны үшін моральдық жауапкершіліктен құтқара алмайды.
Екінші өте маңызды жайт: ТЖМ Мемлекет басшысының сынына неге құлақ асқысы келмейтінін негіздеуге тырысып, ведомствоның баспасөз қызметі көрсетілген мәлімдемеде өрт сөндірудегі еңбектерін және т.б. санамалайды.
Бірақ бұл жетістіктер, әсіресе, тұрақты түрде қайталанып жататын, мысалы, Алматы базарларындағы өрттердің айналасында ерсілігін айтпағанның өзінде, өте даулы болып көрінеді.
Сондықтан да біз, 11 қазандағы Мемлекет басшысының тапсырмаларына сәйкес, «тәуекелдерді тәуелсіз бағалау» секілді зиянды жүйені жоюды талап етеміз», деп қорытындылады депутат М.Қазбекова.
«Егемен-ақпарат».
