«Халқымыз дербестікпен бірге дәстүрлі мәдениетіне, тілі мен дініне толыққанды ие болып, оларды заманға сай дамытуға мүмкіндік алды. Өшкеніміз жанып, ұмытқанымыз жадымызда жаңғырды. Мұның барлығы Қазақ елінің ұстанған бағыт-бағдарының дұрыстығын, ата-баба жолынан айнымағанын білдіреді» – Қазақстан мұсылмандары діни басқармасының төрағасы, Бас мүфти Ержан қажы Малғажыұлының діни басқарманың сараптау комиссиясының мақұлдауымен шығарылған «Дін мен Дәстүр» атты жинаққа жазған алғы сөзінде осылай делінген.
«Халқымыз дербестікпен бірге дәстүрлі мәдениетіне, тілі мен дініне толыққанды ие болып, оларды заманға сай дамытуға мүмкіндік алды. Өшкеніміз жанып, ұмытқанымыз жадымызда жаңғырды. Мұның барлығы Қазақ елінің ұстанған бағыт-бағдарының дұрыстығын, ата-баба жолынан айнымағанын білдіреді» – Қазақстан мұсылмандары діни басқармасының төрағасы, Бас мүфти Ержан қажы Малғажыұлының діни басқарманың сараптау комиссиясының мақұлдауымен шығарылған «Дін мен Дәстүр» атты жинаққа жазған алғы сөзінде осылай делінген.
Кітапта дәстүр туралы түсінік, дәстүрдің діндегі орны, қазақ халқының имани дәстүрлері, басқа да жайлар жөнінде жан-жақты мағлұмат берілген. Қазақ мақал-мәтелдерінің Мұхаммед пайғамбарымыздың (с.ғ.с.) хадистерімен үндес екендігіне нақты айғақтар назар аударарлық. Мұның өзі халқымыздың салт-санасы, таным-түсінігі Ислам қағидаттарынан бастау алатынын дәлелдейді.
Кеше Астанадағы «Әзірет Сұлтан» мешітінде аталған кітаптың таныстырылымы өтті. Бас редакторлар клубының президенті Кенжеболат Жолдыбай таныстырылымда сөйлеген кіріспесөзінде журналистер қауымының Қазақстан мұсылмандары діни басқармасының жұмысына дәйім қолдау білдіріп отыратынын, алдағы кезде де бұл істе қордаланып қалған мәселелерге тиісінше көңіл бөлінетінін айтып өтті. Бас мүфти Ержан қажы Малғажыұлы дін саласында тындырылған шаруалармен қатар, алаңдатарлық ахуал да бар екендігін ашық әңгімелеп, ортақ шаруаға журналистер қоса алар үлес жөніндегі ойларын ортаға салды, көптеген сұрақтарға жауап берді.
Бұл ұжымдық еңбек – «Дін мен Дәстүр» жинағының 1-кітабы. Алдағы кезде осы игілікті іс жалғасын таппақ.
«Егемен-ақпарат».
