Желік қуған жүргізушілер

– Басты мақсат – жолда жүру ережелерін бұзғаны үшін салынған айыппұлын төле­мей жүрген жүргізушілерді анықтау. Патрульдік полиция қызметкерлерімен тек бір тәулік ішінде айыппұ­лын төлеген сегіз жүргізуші анықталып, көліктері арна­йы тұраққа қо­йылды. Мәсе­лен, С.Датов көшесінде ре­сей­лік нөмірі бар «Audi А6» автокөлігі тоқтатылды. Тексеру кезінде көлік иесінің 500 040 теңгені құраған айып­пұлын төлемегені анықта­лып, автокөлік айып тұрағы­на жеткізілді. Іс-шара кезінде 192 көлік иесінің 14 млн тең­­ге көлеміндегі айыппұлды төлемегені анық­­талып, ав­токөліктері айып тұрағына қо­йылды, – деп мәлім етті облыстық полиция депар­таментінің баспасөз қызметі.

Айыппұл төлемейтін жүр­гізушілердің дені – өзге ел­ден көлік алып келгендер. Солар­дың қатарында Ре­сейде тіркелген көлік­тер­ді әкелген 135 жүргізуші бар. Біраз дау-дамай­дың туын­дауына себепкер болған Арме­ния Республикасының кө­лігімен жүрген 18 жүр­гі­зу­ші де айыппұлын төлеуге асық­пай жүр.

Полиция қызметкерлері заңсыздықтың алдын алу үшін қырағылық танытқан са­йын жол ережесін бұзуға бейім жүргізушілер көбейіп барады. Мәселен, Атырау қаласында 2-8 қарашада пат­­рульдік полицейлер 1001 рет жолда жүру ережесін бұз­ғандарды анық­тап отыр. Департаменттің бас­пасөз қыз­меті ұсынған мә­ліметке қарағанда, көлік құ­ралын мас күйінде басқарған 13 жүр­гі­зуші (Әкімшілік құ­қықбұзушылық ту­ралы ко­декстің 608-бабы), жолдың қар­сы ба­ғытына шыққан – 7 (596-баптың 3-бө­лімі), мін­детті сақтандыру шартын жасасудан жал­тарғандар – 162 (230-баптың 2-бөлімі), жүр­гізу құқығынан айырылған 2 (612-баптың 3-бөлімі) жүр­гізуші анықталып, әкімшілік жауапкершілікке тартылды. Бір аптада құ­қық­бұзу­шылық жасағаны үшін са­лынған айып­пұл арқалаған 72 жүргізуші де тәртіп сақ­шыларының назарына ілікті.

Сондай-ақ Ресейде тіркел­ген 44, Ар­ме­­нияда есепте тұратын 5 көлік құралы ар­найы тұраққа қойылған. Ал 23 автокөлік иесі­нен 922 296 теңге көлемінде айыппұл өн­­дірілген. Әкімшілік айып­­пұлын төлемей жүр­ген­дер­дің басым бөлігі шетелде тір­келген автокөліктердің жүр­гізушілері болып шықты.

Тіпті көлігіне жасанды нө­мір тағуды сән көретіндер бар. Патрульдік полиция қыз­­мет­керлері мемлекеттік белгісі күдік ту­­дыр­ған «Toyota Ava­lon» автокөлігін 10 қа­ра­­ша­да сағат 03:00 шамасында тоқ­татты. Тексеру кезінде кө­лік­ке тағылған мемлекеттік бел­­гілердің жасанды екені анық­­талды. Ше­телдік көлікті тіз­г­індеген 23 жастағы жүр­гі­зушінің медициналық куәлан­дыру қоры­тындысымен орта деңгейдегі мас күй­де бол­ғаны дәлелденді. Бұл аза­матқа қатыс­ты Әкім­шілік құ­қықбұзушылық туралы ко­дек­с­тің 590-бабының 4-бө­лімі­мен (Жалған немесе жа­сан­ды мемлекеттік белгі ор­натқан көлік құралын басқа­ру) және 608-бабы 1-бөліміне сәйкес жинақталған құ­жаттар Аты­рау қалалық ма­мандандырыл­ған әкімшілік сотына жолданды. Сот қаулысымен мас жүргізуші жеті жыл мерзімге көлік құралын жүргізу құ­қығынан айырылып, 15 тәу­лікке әкімшілік қамауға алынды.

Бір көлікке бір нөмір бо­лушы еді. Ал екі түрлі нө­мір тағуға бола ма? Аты­рау­лық жүр­гі­зуші дәл осындай әрекетімен поли­ция қыз­меткерлерін алдағысы кел­ген се­кіл­ді. Бәлкім, жол ере­жесін бұзғанын жасы­ру­дың амалы шығар. Дегенмен қы­рағы көзді патрульдік полицейлер «ВАЗ-2114» авто­кө­лігін басқарған жүргізушінің «еркелігіне» тоқтам салды. Тек­серу кезінде Ресей Феде­ра­циясында тіркелген жеңіл көліктің алдыңғы жағына та­ғылған мемлекеттік бел­гінің әріптік символдары өз­гертілген екен. Көлік құралы арнаулы айып тұрағына қо­йылды. Ал 38 жас­тағы жүр­гізушінің мұндай әрекетке неге барғаны әзірге белгісіз. Енді полицейлер оның бұл әрекетінен қылмыстық құ­қықбұзушылық белгілерін анықтау үшін тексеру жүр­гізіп жатыр.

Атырау облысы