Театр • 19 Қараша, 2020

Өзбек драма театры жаңа маусымын ашты

575 рет
көрсетілді
3 мин
оқу үшін

Шымкентте қалалық өзбек драма театры XVIII маусымының салтанатты ашылу рәсімі өтті. Мәдениет ошағына биыл қалалық бюджеттен 129 807,0 мың теңге, оның ішінде 1974 жылы салынған ғимаратты ағымдағы жөндеу жұмыстарын жүргізуге 32 884,0 мың теңге бөлінген болатын.

Өзбек драма театры жаңа маусымын ашты

Жаңа маусымның ашылуына арнайы қатысқан Шымкент қаласы әкімінің бірінші орынбасары Шың­ғыс Мұқан жөн­деуден өт­кен театрдың ғима­ратымен танысып, ұжым жұ­мы­сына сәттілік тіледі. Ел кө­­ле­­міндегі жалғыз өзбек театры осы­дан 17 жыл бұ­­рын, яғни 2003 жылы 12 қазанда  ашылған бо­латын. Театрдың ашылу салта­натына Елбасы Н.Назарбаев қатысып, өз­бек ағайындардың қуа­нышын бөліскен-ді. Сол кез­­дегі Оңтүстік Қазақстан облы­сында тұратын 600 мың­ға жуық өзбек диас­порасы үшін театрдың ашылуы тілін, салт-дәстүрін сақ­тап қалуға, ұлт­ара­­лық татулықты нығайтуға ық­пал еткені анық. Осы жылдар ара­лығында көрермен қауымға 80-нен астам спектакль ұсынған театр репер­туарында бүгінде 50-ден аса қойылым бар. Әр жылда­ры Қазан қаласында, Бакуде және Қырымның шығысындағы Керчьте өткен халықаралық фес­тивальдерге қатысып, жүлделі орын­нан көрінген театр ұжымы пан­демия кезінде де жұмысын тоқтатпай, онлайн форматта өнер­сү­йер қауыммен байланы­сын жал­ғастырды. Театрда үл­кен – 480 орын­ды және кіші – 80 орынды зал­дар бар. Штат саны – 53, оның ішінде шығармашылық қыз­мет­керлер саны – 31.

1

Жаңа сахнада, жаңарған кө­рермен залында өткен жаңа маусымның ашылу салтанатында театр ұжы­мы қатысушыларға бірқатар спектакльдерден үзінді, кон­церттік бағдарлама ұсынды. Сондай-ақ іс-ша­ра барысында Шыңғыс Мұ­қан 2013 жылдан бері театр директорының қыз­метін атқарып келген Ик­рам Ха­шимжановты зейнет­кер­лікке шығуымен қала әкімі Мұрат Әйтеновтің атынан құттықтап, иығына шапан жауып құрмет көрсетті. «Те­тардың тарихы те­рең­де, сонау 1929 жылы Шым­кенттегі драма театр жанынан орыс және өзбек труп­палары ашылған. Екін­­ші дүниежүзілік соғы­с­тан кейін өзбек труппасы Қызылорда қаласына кө­­шіріліпті. Алайда ара­­да 3 жыл өткен соң бір­қа­тар, оның ішін­де актер­лер­дің барып-келуі сын­ды қиындықтарға байланысты жабылған екен. Еліміз Тәуелсіздік алған соң 2013 жылы өзбек драма театры ашылды. Бұл елімізде өмір сүріп жатқан өзбек халқы үшін үлкен мәртебе әрі қолдау болды. Қазақстан мен Өзбектан арасындағы мә­дени байланысты нығайтуға да зор септігін тигізді. Біз­дің театр көр­ші елдің бір­қатар об­лыс­та­рында гастрольде болып, өнер көр­сетті. Өз кезегінде Өз­бек­станның Қазақстандағы жы­­лы шеңберінде көрші ел­дегі әріптестеріміз де гас­трольдік сапармен келді. Бүгінгі іс-шараға, яғни жа­ңа маусымның ашылуы­на Қырғызстан, Өзбекстан, Тә­жікстан елдерінен құт­тықтау хаттар келіп жатыр. Әлемді әбі­герге салған пандемия да өтер, яғни көр­ші мемлекеттер­мен бай­ланыс жалғасын таба­ры анық», дейді Икрам Ха­шимжанов. Зей­нет жасына жетіп, жастарға орын бе­руді жөн санаған Икрам Ха­шимжанов енді бас ди­рек­тордың кеңесшісі ре­тінде театр­дың дамуына үлес қоспақ.

1

 

Шымкент