Ұлт саулығы ұрланбауы тиіс

Атай кетейік, 16 қарашада бір­лескен бұйрыққа қол қойыл­ған болатын. Соның аясында жұмыс тобы 2020 жылғы 17 қа­ра­шадан 25 желтоқсанға де­йін аталған министрліктің ұйымдас­тырушылық-басқарушылық қыз­метінде сыбайлас жемқорлық тәуекелдеріне талдау жүргізілетін болады. М.Шоранов атап өт­кендей, денсаулық сақтауды дамыту – мемлекеттің әлеу­мет­тік саясатының негізгі басым­дықтарының бірі. Отандас­тары­мыздың әл-ауқатының тірегі ре­тінде медициналық қызмет­тер­дің қолжетімділігі мен сапасына мемлекет ерекше көңіл бөледі.

Сыбайлас жемқорлыққа қар­сы іс-қимыл агенттігі төрағасының бірінші орынбасары О.Бектенов денсаулық сақтау саласында сыбайлас жемқорлық тәуекелдерінің кең ауқымы сақталып отырғанын атап өтті. «Бұған құқықтық статис­тика мен Агенттіктің «СҚ Фар­­мацияда», Әлеуметтік меди­ци­на­лық сақтандыру қорында (2020 жылы), Дәрілік заттар мен меди­циналық мақсаттағы бұйым­дарды сараптау ұлттық орта­лығында (2019 жылы) жүргіз­ген сыртқы тал­дауларының нәти­же­лері дәлел бо­ла алады», дейді О.Бектенов.

Жағдайға толық көз жеткізу үшін орталық органда және келесі жылы екі комитетте (Медицина­лық және фармацевтикалық бақы­лау, санитарлық-эпидемиология­лық бақылау) талдау жүргізіледі. Сырт­қы талдау нәтижелері бо­йынша жемқорлық құқық бұзу­шылықтар жасауға ықпал ететін себептер мен жағдайларды жою жөніндегі ұсынымдар мен іс-ша­ралар жоспары әзірленеді.

«Министрлік ашықтық, ай­қын­­­дылық және объективтілік ар­­қылы денсаулық сақтау жүйе­сін­дегі ықтимал сыбайлас жем­қор­­лық тәуекелдерін азайтуға жә­не жоюға мүдделі. Сонымен қа­тар біз жаңа бірлескен жобаларды жүзеге асы­руға дайынбыз», деп сен­дірді бірінші вице-министр.

Жұртшылықты талдау жүргі­зуге кеңінен тарту оң қырынан атап өтілді. Тексерілетін сала бойынша мәселелер мен ұсыныстар, сондай-ақ сыбайлас жемқорлық­қа әсер ететін себептер мен жағ­дайлар туралы мәліметтерді a.karipova@anticorruption.gov.kz электрондық мекен-жайына жі­беруге болады. Бұл ақпарат сыбайлас жемқорлық тәуекелдерін жою бойынша ұсы­нымдар әзірлеу үшін пайдаланылады. Ал сыбайлас жем­қорлық жағдайлары туралы қандай да бір ақпарат болатын болса 24/7 режімінде жұмыс істейтін 1424 call-орталығына ха­барласу қажет.