Саясат • 25 Қараша, 2020

Бизнестің жағдайын жақсарту шаралары қарастырылды

4 рет көрсетілді

Кеше Премьер-Министрдің бірінші орынбасары Әлихан Смайыловтың төрағалығымен «Атамекен» ҰКП және мемлекеттік органдар өкілдері қатысқан кездесулер легі жалғасты, деп хабарлады Үкімет бас­шы­сының баспасөз қызметі.

Кездесулер барысында биз­нес­тің жүйелі мәселелері мен оларды шешу жолдары қарас­ты­рылуда. Атап айтқанда, Өзбек­станнан Қазақстанға жеңіл өнер­кәсіп өнімдерін және бас­қа да тұтыну тауар­ларын заң­сыз тасымалдау отан­дық өнім­нің сатылуы мен өндірі­сінің төмендеуіне, жұмыс орын­дарының қысқаруына, бюджетке салық түсімдерінің азаюы­на соқ­тырды. Осы жағдайды шешу үшін Ә.Смайылов тиісті мемле­­кеттік органдарға заңсыз импорт­қа қарсы Жол картасын әзірлеуді тапсырды.

Коронавирус пандемиясы авиа­ция саласының бизнес-про­цес­теріне де айтарлықтай әсер етті. Қазақстандық әуе компа­­ниялары үшін ЕАЭО елдері­­нің аумағында авиациялық қозғалт­қыштарды, отандық әуе кеме­лері­не арналған қосалқы бөл­шек­­тер мен жабдықтарды жет­кізу мер­зімдерінің сақталмауы, сон­­дай-ақ оларды жөндеуге және тех­­­ни­калық қызмет көрсетуге қатыс­­ты тәрізді проблемалар туын­­­дады. Соның салдарынан атал­­­ған саладағы модернизация әлсіреді.

Отырыста жер заңнамасын бұз­ғаны үшін әкімшілік жауапкершіліктің тиімді шараларын қабылдау мәселесі де тал­қы­­ланды. Әрбір талқылан­ған мәселе бойынша шешім қабыл­данып, нұсқаулар берілді. Бір­қатар мәсе­лелер уәкілетті орган­дар тарапынан жан-жақты тал­қы­лануы үшін ведомство­аралық комиссияның қарауына жібе­рі­леді. Бұған дейін аграрлық сектор­ды қолдау, жеңілдетілген жә­не лизингтік несиелеу бағдар­ламасын іске асыру, су үнем­дейтін технология­ларды әзір­леу, шет­елден сатып алынған бағ­дар­­ламалық жасақтаманы отан­дық бағ­дарламаларға алмас­ты­ру мүм­кіндігі, құрылыста еуро­кодтарды пайдалану, мемле­кеттік са­тып алу порталында отандық өнді­ру­­ші­лердің тізімін жаңарту және отан­дық бизнесті дамыту мен қол­даудың басқа да мәсе­ле­лері қаралған еді.

Соңғы жаңалықтар

Биатлоншылардың бағы жанбады

Спорт • 22 Қаңтар, 2021

Бірнеше облыста жол жабылды

Қазақстан • 22 Қаңтар, 2021

Ақсу қаласына жаңа әкім тағайындалды

Тағайындау • 22 Қаңтар, 2021

Ұқсас жаңалықтар