Қаржы • 27 Қараша, 2020

Теңгенің қалай нығайғанын түсіндірді

13 рет көрсетілді

Қыркүйек айында ұлттық валютамыздың 1 долларға шаққандағы бағамы 427,98 теңгеге жеткен болатын. Содан бергі аралықта бірінші рет 1 доллар 423 теңгеге түсті. Ұлттық банктің Монетарлық операциялар департаментінің директоры Нұржан Тұрсынханов оған не ықпал еткені туралы банктің ресми сайтында түсініктеме берді.

– 25 қарашада доллар теңгеге қатысты биржада орта есеппен 422,90 деңгейінде саудаланды. Аптаның басынан бері ұлттық валютаның бағамы 5 теңгеден астам немесе 1,2%-ға нығайды. Теңгенің оң серпіні қолайлы сыртқы конъюнктура, сон­дай-ақ экспорттаушылардың салық төлемдерін жүзеге асыру үшін шетел валютасын сатуы аясында болып жатыр, – деді ол.

Инвесторлар коронавирусқа қарсы әзірленіп жатқан вакциналар­дың тиімділігі туралы хабарламаларды оң бағалауда, бұл экономикалық белсенділіктің тез қалыпқа келу ық­ти­малдығын арттырады. Сонымен қатар АҚШ билігінің Д.Трамп әкім­ші­лі­гінен Дж.Байденге ресми түр­де бе­рілуі­нің басталғаны да қолайлы ахуал қалыптастырды.

– Жедел вакцинация және отынға деген сұраныстың тез қалпына келуі мұнай бағасына жақсы әсер етті. Brent-тің бағасы бірнеше күн қатарынан өсіп келеді, Азия нарықтарындағы бүгінгі сауда-саттықта наурыздың басынан бас­тап алғаш рет баррель 48 доллардан асты. Осыған орай Норвегия кроны мен Канада доллары сияқты шикізат экспорттаушы елдердің валюталары аптаның басынан 1,3%-ға және тиісінше 0,6%-ға нығайды, – деді Н.Тұрсынханов.

Оның айтуынша, теңге сыртқы және ішкі факторлардың жайлылы­ғынан, одан қалды шикізат нарығын­дағы жағымды жаңалықтардың әсері­нен, сондай-ақ жер қойнауын пай­да­лану­шылардан түскен көлемді салық­тардың арқасында нығайып тұр.

 

Соңғы жаңалықтар

Жартылай финалда сүрінді

Теннис • Бүгін, 07:56

Көкпар – ұлттық мінез

Руханият • Бүгін, 07:50

Ақ үйдің алғашқы мейманы

Әлем • Бүгін, 07:38

Ескі үйлерді есіркеген жоба

Аймақтар • Бүгін, 07:33

Рамзайдың «жұмбағы»

Сұхбат • Бүгін, 07:13

Нар тұлға

Руханият • Кеше

Екпе салдыру өзекті

Медицина • Кеше

Ақ үйдің алғашқы мейманы

Әлем • 17 Сәуір, 2021

Ұқсас жаңалықтар