Науқан күндері аталған мәселе бойынша сарапшылар мен адвокаттар гендерлік құқықтар мен еркіндіктерді жүзеге асыру бойынша талқылау өткізеді. Әлеуметтік желідегі науқанмен бірге, Біріккен Ұлттар Ұйымының «2030 жылға қарай әйелдерге қатысты зорлық-зомбылықты бірлесіп тоқтатамыз» атты компаниясын қолдап, оның «Әлемді қызғылт сары етейік: Қаржыландыру, Жауап беру, Алдын алу, Жинау!» деген жаһандық тақырыбына сай Нұр-Сұлтан қаласындағы АҚШ елшілігі өз ғимаратының сыртына 16 күн бойы кешкі уақытта қызғылт сары түсті жарықпен көмкеріп қойды.
Жергілікті билік пен республикалық үкімет COVID-19 пандемиясын жою үшін маңызды шараларды қабылдағанымен, әйелдерге қатысты зорлық-зомбылықтың өршуі туралы мәлімет қатары артқаны байқалады.
«Біз осы науқанда даусы маңызды қазақстандықтармен серіктес болғандығымызды мақтан тұтамыз. Жеке тұлғалар мен ұйымдар науқанның мақсатына қарай, яғни Қазақстанда хабардарлықты арттыру және гендерлік зорлық-зомбылықтың алдын алуда барлық адамдар маңызды рөл атқара алатындығын еске салуға негізделіп, шақырылды», дейді ұйымдастырушы тарап.
Насихат жұмысының алғашқы кейіпкері – Нина Балабаева. АҚШ Мемлекеттік департаменті Нинаның адам саудасына (TIP) қарсы қызмет ету саласындағы жұмысын мойындап қана қоймай, Адам саудасы туралы баяндаманың кейіпкері ретінде заманауи құлдықты тоқтатуды жақтайтын қаһарман сыйлығын берген. Қазіргі Қазақстан қоғамында мемлекеттің гендерлік саясатын қалыптастыру және оны жүзеге асыру мәселелері жайында жан-жақты ақпарат елшіліктің әлеуметтік желілердегі парақшаларында күнде жарияланады.
