"4 желтоқсандағы жағдай бойынша "сары" аймақта Бостандық, Медеу және Түрксіб аудандары тұр, ал "сарыға" жақындаған - Алмалы ауданы. Инфекцияны болдырмау үшін қолданыстағы шектеу шаралары жеткіліксіз екені анық", делінген хабарламада.
Шектеу шараларын күшейту ұсынылады. Мысалы, 15 және одан да көп адам жұмыс істейтін ұйымдар қызметкерлерінің 60 пайызын қашықтан жұмыс режіміне ауыстыру, кейбір ұйымның жұмыс режімін өзгерту, үй-жай иелеріне басқа заңды тұлғаларға ғимаратын жалға беруге тыйым салу.
Аудандық әкімдіктерге және бөлшек сауда қауымдастығына азық-түлік дүкендеріне кіре берісте әлеуметтік қашықтық туралы маңдайшалар мен белгілердің болуын және дүкен ішінде бір адамға кемінде төрт шаршы метр қашықтық болуын сақтауды қамтамасыз ету тапсырылды. Сонымен қатар, СОО-да орналасқан қоғамдық тамақтану орындарының жұмыс уақытын сағат 10.00-ден 22.00-ге дейін белгілеу тапсырылды.
