Аталған шақырту бойынша оқиға орнына Қызылорда облысы ТЖД өрт сөндіру және авариялық құтқару қызметінің жеке құрамы жедел жетіп, барлау жұмыстарын жүргізді. "Азимут" ЖШС-не қарасты пропан тасымалдайтын 12 тонналық "MAN" маркалы автокөлігінің алдыңғы бөлігі жанып жатқаны анықталды.
Өрт сөндірушілердің жедел іс-қимылының арқасында Шымкент қаласынан Ақшабұлақ кен орнына жолға шыққан автокөліктегі 12 тонна пропанның жарылуына жол берілмеді. 7 сағат 00 минутта тілсіз жау толығымен жойылды. Өрт салдарынан зардап шеккендер жоқ.
Қазір өрттің шығу салдары мен шығынын анықтап жатыр.
