Оқиға • 15 Желтоқсан, 2020

Әділетті қоғам құруға ұмтылады

27 рет көрсетілді

Қазақстан Халық партиясы мүшелерінің жұртшылықпен кездесуі еліміздің барлық өңірінде жалғасуда. Аталған кездесулер аясында партияның мақсат-мұраты таныстырылып, негізгі бағыттары түсіндірілуде. Мәселен, кеше партия мүшелері Көкшетау және Талдықорған қалаларының тұрғындарымен жүздесті.

Партия төрағасы, Мәжіліс депу­таты Айқын Қоңыров пен атал­­ған партияның атынан Пар­ла­мент Мәжілісінің депу­татты­ғы­на кандидат Олжас Сыз­дықов Көкшетаудағы Ақмола об­лыстық ауруханасының ме­ди­цина қызметкерлерімен кез­десу өткізді. Онда партия бағ­дар­ламасының тезистері түсін­ді­рілді. Кездесуде аурухананы техникалық жабдықтау, медицина қызметкерлерінің жұмыс кестесі, қызметкерлердің жалақысы, біліктілік талаптары, дәрігерлер үшін әлеуметтік кепілдіктерді арттыру мәселелері көтерілді. ҚХП отандық медицина деңгейін, халыққа қызмет көрсету сапасын арттыру және осы салада жұмыс істейтін қызметкерлердің мәртебесін өсіру үшін қажетті шаралардың бәрін қабылдап, қолдануға ниетті.

Сондай-ақ Талдықорғандағы «Рухани жаңғыру» ғимаратында аталған партияның өкілі, Мәжіліс депутаты Ирина Смирнова, осы партияның атынан Парламент Мә­жі­лісінің депутаттығына кан­дидат Ерлан Смайлов, ҚХП Ал­маты облыстық филиалының бірін­ші хатшысы Сәуле Биғарова өңір тұрғындарымен кездесу өт­кізді. Кездесуде партияның, оның депутаттық фракциясының жұ­мысы туралы ақпарат берілді.

Діттеген мақсатқа жету үшін пар­тия қойған міндеттердің ерек­шелігі сайлаушылардың назарын аударып қана қоймай, электораттың шынайы қызығу­шылығын оятты.

Қазақстан әлеуметтік бағ­дарланған мемлекетке айналуға тиіс, деп есептейді ҚХП кандидаттары. Сондықтан медицина мен білімнің қолжетімділігі мен сапасы қалыпты нормаға айналуы тиіс.

 

Соңғы жаңалықтар

Киіктер кімге кедергі?

Қазақстан • Кеше

Екі ауылға газ жетті

Аймақтар • Кеше

Инфляция иіле ме?

Қоғам • Кеше

Дәрі мен сөз дәруі

Медицина • Кеше

«Алтайдай жер қайда?!»

Аймақтар • Кеше

Ұқсас жаңалықтар