"16 желтоқсан - еліміздің Тәуелсіздік мерекесі құтты болсын. Еліміздің тұғыры биік, аспаны ашық болып, көк байрағы желбірей берсін. Шаңырақтарыңыздан ән үзілмесін. Қазақтың мол дастарханы ешқашан жиналмасын. Кішкентай сәбилеріміз, ақ орамал тағынған аяулы аналарымыз, ардақты аталарымыз аман болсын", - деді Майра Ілиясова.
"Халқымыз ғасырлар бойы аңсаған Тәуелсіздігімізге биыл 29 жыл. Еліміздің көк байрағы бейбіт аспан астында желбіреп, әлемге таныла берсін. Әр отбасына татулық пен ырыс-береке тілеймін. Отанымыздың игілігі жолында жарқын болашақ, жаңа табыстар тілеймін", - деді Нұржамал Үсенбаева.
"Қымбатты отандастар, барша қазақстандықтар! Тәуелсіздік мерекесі құтты болсын! Еліміз аман, жұртымыз тыныш болсын! Тәуелсіздік тұғыры биік болып, маңдайымызға мәңгілікке бұйырсын", - деді танымал эстрада әншісі Алтынай Жорабаева.
"Тәуелсіздік елімізге бақ-береке, жетістік әкелсін. Тәуелсіздігімізді көзіміздің қарашығындай сақтай білейік. Мереке құтты болсын!" - деді танымал кино және театр актері Ерік Жолжақсынов.
"Ата-бабаларымыз армандап күткен тәуелсіз ел болу мәртебесін көру бүгінгі ұрпақ үшін зор бақыт. Осы қуанышымыз құтты, бақытымыз баянды болғай! Тәуелсіздігіміз тұғырлы болсын!" - деді әнші Рүстем Жүгінісов.
Бұған дейін елорда тұрғындары «Менің Туым. Менің Отаным!» акциясын қолдап, балкондарына ту ілгені хабарланған болатын. Челленджге ондаған ҮЕҰ және басқа ұйымдар қатысуда. Осылайша, қала тұрғындары қазақстандықтарды келе жатқан мерекелерімен құттықтап, акцияны қолдауға шақырды. Сондай-ақ #МеніңТуым #МеніңТуымМеніңОтаным #МойФлагМояРодина #ЦветМоейРодины #БіздіңОртақМереке #НашОбщийПраздник хэштегімен Қазақстан Республикасының туымен байланысты жазбалар, фотосуреттер, видео мен сюжеттер жариялау арқылы тұрғындар акцияға белсенді қатыса алады.
