Сайлауалды үгіт-насихат науқаны аясында ұйымдастырылған іс-шарада ҚХП балалардың денсаулығына немқұрайды қарамауға шақырады.
Нұр-Сұлтан қаласында аталған партияның атынан Парламент Мәжілісінің депутаттығына кандидаттар Олжас Сыздықов пен Ислам Сұңқар ерекше балаларға арналған «Спина бифида» қорының басшыларымен, ата-аналармен кездесу өткізді.
Кездесу барысында ата-аналар арқа бифида ауруы, медициналық қызмет көрсету сапасы және әлеуметтік кепілдікке қатысты мәселелерді көтерді. Диалог кезінде Қазақстан Халық партиясының сайлауалды платформасы ұсынылды. Онда Қазақстанның әрбір азаматын қолжетімді және сапалы медицинамен қамтамасыз етуге басымдық берілген.
ҚХП өкілдері беделді кәсіподақтар жұмысшыларды қорғауы керек екенін айтуда. Жуырда Атырау қаласындағы Кәсіподақтар үйінің кіші залында Қазақстан Халық партиясының өкілдері еңбек ұжымдарымен, мұнай-газ секторының қызметкерлерімен кездесу өткізді.
Іс-шара барысында жұмысшылардың құқығын шынайы қорғайтын тәуелсіз кәсіподақтарды қолдау бастамасы түсіндірілді. Кәсіподақтар ел азаматтарының құқықтарын қорғап, еңбек дауларын әділ шешуі керек.
ҚХП қолжетімді баспаналардың жастарға қолжетімсіздігін айтуда. Осыған байланысты, Қазақстан Халық партиясының Астана қалалық филиалында «Жастарға арналған қолжетімді баспана» тақырыбында қоғамдық тыңдау өтті. Іс-шараны ҚХП Астана қалалық комитетінің Жастар қанаты ұйымдастырды. Партия мүшелерінің айтуынша, Қазақстанда мемлекеттік тұрғын үй бағдарламалары баршылық. Алайда жастарға қолжетімді баспана жоқ.
ҚХП тегін әрі сапалы білімді қолдап отыр. Мәселен, Қазақстан Халық партиясы өткізген «Мен тегін білімді қолдаймын!» интернет-акциясы қоғамда дүмпу тудырды. Парламент Мәжілісінің депутаты, партия төрағасы Айқын Қоңыров: «...Білім беру мемлекеттің жүйеқұраушы институты болып табылады. Мұнайдың дәуірі өтіп барады. Адам капиталы бірінші орынға шыға бастады. Сапалы әрі қолжетімді білімге инвестиция тарту – болашаққа құйылған инвестиция», деді.
