Santo Member of Polpharma Group компаниясының Ғылыми қоры медицина мен фармация саласындағы ғылыми зерттеуді жалғастыру үшін Астана Медициналық университетінің екі ғалымының әрқайсысына 1000000 теңге көлемінде гранттарды тапсырды.
Santo Member of Polpharma Group компаниясының Ғылыми қоры медицина мен фармация саласындағы ғылыми зерттеуді жалғастыру үшін Астана Медициналық университетінің екі ғалымының әрқайсысына 1000000 теңге көлемінде гранттарды тапсырды.
«Академиялық бағдарламаның» шәкіртақысын алғашқы болып Раушан Ысқақова және Роза Қарабекова алып отыр.
Үстіміздегі жылы аталмыш компания Астана Медициналық университетінің ізденімпаз ғалымдарына қолдау көрсету мақсатында «Академиялық бағдарлама» тағайындаған болатын. Бағдарлама биылғы жылдың көктемінде Астана экономикалық форумында Астана Медициналық университетімен бірге қол қойылған Меморандум шеңберінде жүзеге асырылуда.
«Аталған бағдарлама мемлекет пен жекеменшіктің денсаулық сақтау саласындағы серіктестігінің нақты дәлелі болып табылады және ол бірінші кезекте Қазақстан азаматтарының өмір сүру сапасы мен оларға көрсетілетін медициналық қызметті жақсартуға бағытталған. Біз отандық ғалымдардың зерттеушілік әлеуетін дамытуға алдағы уақытта да өз үлесімізді қосуға ниеттіміз», – деп атап өтті Santo Member of Polpharma Group бас директоры Шахин Арслан.
Лауреаттарға гранттарды Польша республикасының Қазақстандағы Төтенше және өкілетті елшісі Яцек Ключковски және Қазақстан Республикасының Индустрия және жаңа технологиялар министрлігінің өкілі Гүлнар Ілмалиева, Santo Member of Polpharma Group бас директоры Шахин Арслан және Қазақстан Республикасы Денсаулық сақтау министрлігінің Ғылым және адам қорлары департаментінің директоры Алма Сыздықова тапсырды.
Айнаш ЕСАЛИ,
«Егемен Қазақстан».
АЛМАТЫ.
