Білім беру саласының ертеңіне алаңдайды

Кандидаттар Олжас Сыз­дықов пен Ислам Сұңқар сапалы білім мен оның қолжетімділігі, өңірлік университеттер құру, оқулықтарды цифрландыру, мектеп оқушыларын тәрбие­лейтін отба­сылар үшін жеңіл­детілген интернет қосу сынды өзекті тақырыптарды қозға­-
ды.

– Мемлекет сапалы және қолжетімді білімге инвестиция салу ең алдымен еліміздің адам капиталына қаржы құю екенін түсінуі керек. Біздің партия білім беру саласындағы мәселелерді шешу бо­йынша нақты жоспар әзірледі. Ол бүгінгі таңда кез келген заманауи мемлекеттің ең басты міндеттерінің бірі болып саналады, – дейді О.Сыздықов.

Қазақстан Халық пар­тия­сының мүшелері Қазақстандағы білім алу еліміздің барлық азаматтарына қолже­тімді болуы тиіс деп есептейді.

– Біз кәсіптік-техникалық оқуға жаңа серпін беру, олардың жанындағы кешкі мектептерді қайта құру, бюджеттің мүм­кін­дігінше стипендия төлеуді қарастыруы қажет деп санаймыз. Мемлекеттік ұйым­дар мен кәсіпорындар студенттерге база­­лық жалақы төлей отырып, оларды бос орын­дарға және уақытша тәжірибе жинақ­тауға қабылдауға міндетті, – дейді И.Сұңқар.

Қазақстан Халық партия­сының мүшелері халықтың көші-қоны мен өңірлердің дамуына байланысты мемлекет өңірлік университеттер құруы тиіс екенін атап өтті. Қалаларда ауыл балалары үшін заман­ауи инфрақұрылымы бар мектеп-интернаттарды қайта құру қажет.

Сондай-ақ Шымкентте Қа­зақ­стан Халық партиясының белсенділері мен мүшелері ҚХП-ның үгіт-насихат ма­те­риал­дарын таратуға негіз­дел­ген акция өткізді. Саяси қозға­лыстың жақтау­шылары азаматтарға партияның сайлауал­ды бағдарламасының негізгі тармақ­тарын түсіндірді.

– Біздің партия халықтың табыс көлемін де, ең төменгі күнкөріс дең­гейін де арттыру қажет деп есептейді. Мемлекет зейнетақы мөлшерін ұлғайтып, азаматтардың зейнет жасын 60 жасқа дейін төмендетуі тиіс, – дейді Парламент Мәжілісінің депутаттығына кандидат Нұр­лан Қадырқұлов.

Кандидат пандемия бас­талғанға дейін үнемі салық төлеп, жұмыс орындарын құрған азаматтар санаты үшін бір реттік несие рақымшылығын жүргізуді ұсынды.

– Бұл пандемия мен шектеу шаралары салдарынан қиын жағдайға тап болған ша­ғын және орта бизнес иелеріне қатысты. Яғни, азық-түлік дү­кен­дерінің, кафелердің, шаш­та­раздардың иелері мен қыз­мет­керлері қамтылуы қажет. Айта кету керек, банктер каран­тиннен шығын­сыз өтті. Көп­шілігі өз капиталын арт­тырды. Шағын және орта бизнес пен қара­пайым азаматтарға ғана салмақ түсті. Енді олар бұрынғы несиелерін өтеу үшін тағы несие алуға мәжбүр, – дейді Н.Қадырқұлов.

Қазақстан Халық партиясы мемлекет өз азаматтары­на банктер есебінен несие ра­қымшылығын жүргізуді қам­та­масыз етуі тиіс деп санайды.