Сайлау • 06 Қаңтар, 2021

Еңбек адамын қолдау қажет

53 рет көрсетілді

Қазақстан Халық партиясының атынан Парламент Мәжілісінің депутаттығына кандидаттар елордадағы электртехникалық зауытына барды. Спикерлер партияның сайлауалды бағдарламасын түсіндіріп, өнеркәсіптік кәсіп­орындардағы еңбеккерлердің құқықтарын қорғау және қолдау жөніндегі мәселелерге назар аударды.

«Белгілі болғандай, Қазақстан Халық партиясының төрағасы Айқын Қоңыров теледебаттар кезінде экономикалық реформаларға, Қазақстанда халық экономикасын құру қажеттігіне назар аударды. Біз елдегі нақты әлеуметтік-экономикалық жағдай шенеуніктер айтқаннан әлдеқайда басқа екенін жақсы білеміз. Әзірге бізде квазимемлекеттік, трансұлттық компаниялар басым. Ал экономиканың нақты секторы дамымай отыр», дейді кандидат Жамбыл Ахметбеков.

ҚХП мүшелері мемлекет экономиканы дамытудың жаңа моделін қабылдауы тиіс деп санайды. Ол халықтық болуы керек. «Ұлттық экономиканың бәсекеге қабілеттілігі мен орнықтылығы қоғам­ның өмірлік маңызды қажеттілік­терін қанағаттандыруы, қосылған құны жоғары өнім шығаруды ұлғайтуы, еңбек өнімділігін арттыруы және экспортты әртараптандыруы тиіс. Отандық кәсіп­орындар өнім сапасын жақсарту, сұранысты арттыру үшін үнемі жұмыс істеуі керек. Жұмыс берушілерді ынталандыру тетіктері мен құралдары қажет», деді Ж.Ахметбеков.

Кездесуге қатысушылар өздерін тол­ғандырған сұрақтарын қойып, «Астана электртехникалық зауыты» ЖШС-індегі еңбек жағдайларын жақсарту бойынша ұсыныстар енгізді.

Сондай-ақ Ақтөбеде Қазақстан Халық партиясының атынан Парламент Мәжілісінің депутаттығына кандидат Ирина Смирнова өңірдегі білім беру саласының қызметкерлерімен кездесті. «Қазақстан Халық партиясы сапалы білімді қолдайды. Жоғары білім тегін болуға тиіс деп санайды. Біз білім саласын қауіпсіз мемлекеттің негізі ретінде қарас­тырып отырмыз. Сондай-ақ ол қазір­гі ақпараттық қоғамдағы тұлғалық дамудың тірегі болмақ. Білім беру – мемлекеттің жүйе құраушы институты. Сапалы әрі қолжетімді білімге салынған қаржы – елдің адам капиталына құйылған инвес­тиция», дейді И.Смирнова.

Оның айтуынша, білім саласындағы проблемаларды шешу кез келген мем­лекеттің маңызды міндеттерінің бірі. Қазақстан Халық партиясы балаларға арналған инфрақұрылымды дамытуға, балалардың демалысын ұйымдастыру­ға және сауықтыру бағытында заң жобаларына бастамашы болуға әзір. «Біз қауіпсіз әрі қайырымды балалар ортасын құрғымыз келеді. Балалар спортын дамытып, мәдени-сауық ұйымдарын ілгерілету, қазақстандық балалардың денсаулығы мен шығармашылық әлеуетіне мемлекеттік қолдау көрсету тетігін кеңейту міндеті тұр. Бұл болашақ үшін керек. Біздің партиямыз мемлекет балаларды қосымша спорттық секциялармен және түрлі үйірмелермен қамтуға кепіл болуы керек деп есептейді. Мұндай үйірмелер мен секциялар жылына 200 сағаттан кем болмауы тиіс. Бұл талап облыс және қала әкімдерінің жұмысын бағалаудағы негізгі көрсеткішке айналуы керек», дейді И.Смирнова. ҚХП-ның үгіт-насихат науқаны аясында ұйымдастырылған шара барысында И.Смирнова партияның сайлауалды бағдарламасын таныстырды.

Соңғы жаңалықтар

Алғашқы жеңімпаз анықталды

Футбол • Бүгін, 08:49

«Уимблдонда» өнер көрсетеді

Теннис • Бүгін, 08:47

Білімде бағындырған белес көп

Аймақтар • Бүгін, 08:43

Аусылдың ауылы алыс

Қазақстан • Бүгін, 08:38

Бетбұрысқа бастар белес

Референдум-2022 • Бүгін, 08:20

Алаңда – Ассамблея жастары

Референдум-2022 • Бүгін, 08:18

247 сайлау учаскесі жұмысын бастайды

Референдум-2022 • Бүгін, 08:14

Азаматтық ұстанымның айқын көрінісі

Референдум-2022 • Бүгін, 08:08

Тарихи сәттен шет қалмайық

Референдум-2022 • Кеше

Маңызы жоғары науқан

Референдум-2022 • Кеше

Ұлағатты ұстаз

Қазақстан • Кеше

Қонаев рухына құрмет

Аймақтар • Кеше

Ұқсас жаңалықтар