Аймақтар • 06 Қаңтар, 2021

ҚазҰУ жер сатқаны рас па?

492 рет көрсетілді

Бұған дейін әлеуметтік желіде бұрын ҚазҰУ-ға тиесілі жер жеке тұлғаға берілді деген мәлімет пайда болған еді. Университет әкімшілігі бұл бұл айыптауға ресми жауап берді, деп хабарлайды Egemen.kz

Осыған байланысты талқыланып жатқан жер мәселесіне қатысты түсінік беру қажет деп санаймыз. Біріншіден, университет те, ҚазҰУ-дың лауазымды тұлғалары да жер учаскесінің бір бөлігін үшінші тұлғалардың пайдасына иеліктен шығаруға келісім бермеді және жер учаскесін басқа тәсілмен бөлуге қатысқан жоқ. Айта кету керек, барлық мүлік пен жер мемлекеттік актив болып саналады, сондықтан ЖОО-да оларды иелену, пайдалану және билік ету құқығы жоқ, - делінген ҚазҰУ ресми сайтында.

ҚазҰУ өкілдері ҚР Жер Кодексінің 43, 44-1 және 48-баптары, сондай-ақ «Мемлекеттік мүлік туралы» ҚР Заңының 4-бабының 1-тармағы мемлекеттік мүлікті, оның ішінде жер учаскелерін басқару, беру/сату саласындағы мемлекеттің құқықтары мен міндеттерін белгілейтінін атап өтті.

«Осы заңдардың баптарында шешімдер қабылдау тәртібі заңнамалық түрде көрсетілген, сондай-ақ мемлекетке тиесілі мүлік пен жерге қатысты кез келген жеке шешім қабылдау алып тасталған. "Демек, университет басшылығы өз қалауы бойынша Мемлекеттік мүлік пен жерді беруді жеке өзі жүзеге асыра алмайды», дейді ЖОО өкілдері.

Бұдан бөлек, ҚазҰУ басшылығының 2017 жылы жер учаскелерін иеліктен шығару бойынша жерге орналастыру жобасын әзірлемегені, бекітпегені және оған қатыспағаны айтылады.

«Осылайша, әлеуметтік желілердегі ҚазҰУ басшылығы жерді беруге қатысы бар деген жазбалар шындыққа сәйкес келмейді және ол ЖОО-ның беделін түсіруге бағытталған. Жоғарыда айтылғандарға байланысты қазіргі уақытта құқық қорғау органдарына шаралар қабылдау туралы өтініш жолданды», деді ҚазҰУ өкілдері.

Соңғы жаңалықтар

Жұрт пікірін жете ескереді

Қоғам • Бүгін, 08:42

«Сары аймақ» салған әлек

Аймақтар • Бүгін, 08:38

Шабыт шақырар өлке

Өнер • Бүгін, 08:23

Ташкентте жарық көрген «Терме»

Руханият • Бүгін, 08:22

Жүрегі жұмсақ жетісулықтар

Қоғам • Бүгін, 08:17

Агенттік айыппұл салды

Экономика • Бүгін, 08:07

Кәсіпкерлер үміт артып отыр

Саясат • Бүгін, 07:54

Ұқсас жаңалықтар