Сайлау • 07 Қаңтар, 2021

Ауыл тұрғындары ауыз суға мұқтаж

25 рет көрсетілді

«URANkz» республикалық қоғамдық бірлес тігінің өкілдері мен Қазақстан Халық партиясы атынан Парламент Мәжілісінің депутаттығына кандидаттарды біріктірген «Қызыл автобуc» Қарағанды қаласының маңындағы Сарытөбе ауылында болды. Елді-мекенде 700-ге жуық адам тұрады. Олардың басты мәселесі – интернеттің, ауыз судың және жайылым жердің жоқтығы.

Жергілікті тұрғындардың айтуынша, олар күнде ұңғымадан су алу үшін 11 шақырым қашықтық­ты жаяу жүруге мәжбүр. Қыста боран мен аяз күшейген күндері бұл жұмыс қиынға соғады. Сары­төбедегі жерасты суы өте ащы, ішуге жарамсыз екен.

Тұрғындардың жалғыз күн көрісі – мал шаруашылығы. Алай­да ауылдың айналасын­дағы жер жекеменшікке сатылғандықтан, мал жаю, мал басын көбейту қиын болып отыр. «Интернет жоқ. Бізге  күшейткіші бар сымсыз интернетті орнатуды ұсынды. Бірақ ол біз үшін қымбат. Біз көрші ауылдағы сияқты қолжетімді бағада сымды интернет тартылғанын қалаймыз», дейді Асқар есімді жергілікті тұрғын.

Тұрғындар жергілікті билік уәдесін орындап, биыл ауылға ауыз су келеді деп үміттенеді. «Қазақстан Халық партиясының ұраны: Халық. Жер. Әділдік. Жер – халық үшін маңызды. Еліміздің әр тұрғынына қатысты әділдік болуы керек. Өкінішке қарай, көп жағдайда атқарушы билік тиісті жұмыс істемейді. Жақсы мемлекеттік бағдарламалар бар. Алайда олар дұрыс жүзеге асырылмайды. Біз алдағы уақытта қоғамдық бақылауды енгізгіміз келеді. Халық жергілікті биліктің жұмысын қадағалайтын болады», дейді Қазақстан Халық партиясы атынан Мәжіліс депутаттығына үміткер Файзолла Қаменов.

Сондай-ақ «Қызыл автобус» осы өңірдегі Шешенқара ауылында да болды. Мәжіліс депу­тат­тығына кандидаттар және бір топ журналистер мен блогерлер ауыл тұрғындарымен кездесіп, олардың шағымдарын тыңдады.

 

Соңғы жаңалықтар

«Барыс» «Динамоны» ұтты

Спорт • Бүгін, 09:19

Пневмониядан 2 адам қайтыс болды

Коронавирус • Бүгін, 09:15

Жұрт пікірін жете ескереді

Қоғам • Бүгін, 08:42

«Сары аймақ» салған әлек

Аймақтар • Бүгін, 08:38

Шабыт шақырар өлке

Өнер • Бүгін, 08:23

Ташкентте жарық көрген «Терме»

Руханият • Бүгін, 08:22

Жүрегі жұмсақ жетісулықтар

Қоғам • Бүгін, 08:17

Агенттік айыппұл салды

Экономика • Бүгін, 08:07

Кәсіпкерлер үміт артып отыр

Саясат • Бүгін, 07:54

Закирьяновтың «зообағы»

Пікір • Бүгін, 07:45

Жануарлардың жанашыры

Қоғам • Бүгін, 07:37

Бата дарыған би

Таным • Бүгін, 07:33

Абайды танудың ауыр жолы

Абай • Бүгін, 07:26

Жастар қайда жалындаған?

Бокс • Бүгін, 07:25

Әлем кубогы өтеді

Спорт • Кеше

Ұқсас жаңалықтар