«Азия Тарангул» – мал шаруашылығымен және дәнді дақылдарды өсірумен айналысатын өңірдегі жетекші шаруашылық. Кәсіпорын жергілікті халықты жұмыс орындарымен қамтамасыз етеді. Сондай-ақ отандық ауыл шаруашылығы өнімдерін экспорттауға және ауылдың әлеуметтік инфрақұрылымын дамытуға үлкен үлес қосып келеді.
Шаруашылық басшысының айтуынша, «Ауыл» партиясының азық-түлік қауіпсіздігі туралы заңды қабылдау жөніндегі бастамасы өте уақтылы. Себебі кейінгі жылдары агроөнеркәсіп кешені субъектілерін мемлекеттік қолдау жүйесінде «тұрақтылық» ұғымы жоғалып бара жатыр. Жаңа басшылардың келуімен субсидиялау ережелері және оларды алу шарттары өзгереді. Мұның бәрі ұзақ мерзімді кезеңге өндірістік қызметті стратегиялық жоспарлауға теріс әсер етеді.
Өңірлік филиал төрағасы Т.Әбілмәжіновтің пікірінше, бұл мәселе барлық деңгейде орын алуда. Арнайы заңда партия барлық тікелей және жанама шараларды қарастыруды жоспарлап отыр. Осылайша, мемлекеттік уәкілетті органдар ереже мен шарттарды емес, субсидиялау нормативтерін ғана түзететін болады. Бұдан басқа, азық-түлік қауіпсіздігі туралы заңның қабылдануы саланы мемлекеттік реттеу шараларын тұрақтандыруға мүмкіндік береді.
Кездесуде сондай-ақ көктемгі егіс және егін жинау жұмыстары кезінде ауыл шаруашылығы техникасын жаңартудың төмен деңгейі және жанар-жағармай материалдарының қолжетімділігі мәселелері айтылды.
Сондай-ақ Парламент Мәжілісіне және облыстық, аудандық мәслихаттар депутаттығына кандидаттар Павлодар, Шығыс Қазақстан, Солтүстік Қазақстан, Түркістан облыстарында шаруа қожалығы ұжымдарымен және іскер әйелдермен, көпбалалы аналармен кездесулер өткізіп, партияның сайлауалды бағдарламасын таныстырды.
Павлодар облысы, Павлодар ауданы, Набережное ауылында Парламент Мәжілісінің депутаттығына кандидат Н.Арсютин және Павлодар облыстық мәслихаты депутаттығына кандидаттар Б.Аманжолов, Е.Тоқтушаков, «Ауыл» партиясының сенімді өкілдері Е.Байгурманов, А.Батыршаев, М.Жексенби «Андас» шаруа қожалығының ұжымымен кездесу өткізді.
Түркістан қаласында Парламент Мәжілісінің депутаттығына кандидаттар Қ.Аралбекова, Р.Тоқсейітова, Б.Төлеген Түркістан қалалық мәслихатына кандидат Қ.Бәймен, Қазығұрт аудандық мәслихатына кандидат С.Стыбаева іскер әйелдермен және көпбалалы аналармен кездесіп, партияның сайлауалды бағдарламасын таныстырды. Сондай-ақ көпбалалы аналардың мәселелеріне құлақ түрді.
Шығыс Қазақстан облысы, Глубокое ауданы, Прапорщиково кентінде «Ауыл» партиясының атынан облыстық және аудандық мәслихаттарға кандидаттар М.Фараджев «Мурзыканова» шаруа қожалығының ұжымымен кездесті.
