ҚР Парламенті Мәжілісі мен мәслихаттар депутаттарын сайлауда Алматы қаласы аумақтық кәсіподақтарының бірлестігінен шыққан бақылаушылар штабының мүшесі Алмагүл Әкімова жалпы қалалық баспасөз орталығында брифингке шығып, қазіргі сайлау өткізу форматы мен мазмұны жағынан барлық алдыңғы сайлаудан айтарлықтай ерекшеленетінін атап өтті. Бірақ негізгі айырмашылық Қазақстан халқының саяси белсенділігінің артуы болып табылады.
А.Әкімова қазіргі сайлау процесінің ерекшелігі-кезекті парламенттік сайлау коронавирус жағдайында, жаңа мазмұнмен және жаңа форматта өткізілуінде деп санайды. Жаңа формат партиялық тізімдерге әйелдер мен жастар үшін 30% квота енгізуді көздейді, «парламенттік ұстаным» ұғымы енгізіледі. Ең басты жаңалық – мәслихатқа сайлау партиялық тізімдер бойынша өткізіледі. Сайлауда депутаттық мандат үшін 5 саяси партия күресуде. Әрбір партия белсенді қатысып, халықпен диалогқа шығып, өз бағдарламасын ұсынды.
«Халықтың саяси белсенділігі де артқаны қуантады. Бүгінде халық бұл кездесулерге қатысып қана қоймай, бағдарламалардың ережелеріне қызығушылық танытып, сұрақтар қойып, тапсырмалар беруде», - деп атап өтті бақылаушылар штабының мүшесі.
Ол бұл жағдайда, ҚР Кәсіподақтар федерациясы, Қазақстанның Азаматтық альянсының сайлауды бақылау бойынша қоғамдық орталығы, «Жастарға жол» бірлестігі және партиялық емес бақылау орталығының басқа да ірі коммерциялық емес бірлестіктері сияқты ірі қоғамдық күштердің топтасуы мен бірігуі, сайлауды бақылаудың идеялық тәсілдері айқындалатын «Сайлаудағы әділ және адал бақылау туралы» Хартияға қол қойылғаны 2021 жылғы 10 қаңтардағы сайлау қорытындылары мен нәтижелеріне барлық сайлаушылардың сенуіне мүмкіндік беретінін атап өтті.
