Сайлау • 10 Қаңтар, 2021

Бауыржан Жақып: Сайлау әділ өтеді деп сенемін

25 рет көрсетілді

Алматыдағы 242 сайлау учаскесіне барып бала-шағамызбен дауыс бердік. Сайлау әділ өтеді деп сенемін. Осы саяси науқаннан үлкен үміт күтіп отырмын. Бұл туралы Қазақстан Жазушылар одағы төрағасының орынбасары, ақын Бауыржан Жақып айтып берді, деп хабарлайды Egemen.kz

Елімізді үлкен өзгерістерге бастайтын, жаңғыртатын Парламент  жасақталады деп сенемін. Үгіт-насихат жұмыстары елімізде, соның ішінде Алматы қаласында жақсы жүргізілді. Барлық партияларға тең мүмкіндік жасалды. Бұқаралық ақпарат құралдары болсын, әлеуметтік желілер болсын, халық әр партияның сайлауалды бағдарламасымен танысты.

Сонымен қатар сайлаушылар да дер кезінде ақпараттандырылып отырды. Сайлаушыларға дауыс беретін сайлау учаскелері туралы дер кезінде айтылды. Осындай жұмысты ұйымдастырған Алматы әкімдігінің жұмысына жоғары баға беруге болады.

Соңғы жаңалықтар

Ұқсас жаңалықтар