Аталған сайлау учаскесінде барлық санитарлық талаптар сақталды. Бұл ретте сайлау барысының заңға қайшы келмеуін және сайлаудың ережеге сай өтуін халықаралық, отандық байқаушылар қадағалап отырды.
Партия төрағасы сайлаудың әділ өтіп, партиялар сайлауалды бағдарламасын жүзеге асыра алады деп күтетінін жеткізді. Қазақстанның Халық партиясы үшін әділдік – ең басты басымдық болмақ.
– Бұл сайлау учаскесінің жұмысын жоғары деңгейде деп бағалар едім. Қажет болған жағдайда сайлаушыларға бетперде де, қолғап та беріледі. Байқауымша, барлығы ойдағыдай өтіп жатқан сияқты. Тек осы сайлаудың кесірі тиіп, әлемді әбігерге салып тұрған коронавирус тарап кетпесе деп тілеймін. Әр адам өзін сақ ұстағаны жөн. Барлығы жақсы болады деген үміттемін. Себебі эпидемиялық жағдай жіті бақылауда, – деді партия төрағасы.
