Ауылдарға ауыз су құбыры тартылды

Аймақтағы бірқатар ауыл­да талайды толғандырған түйт­­кілді мәселе шешімін тап­ты. Жуырда Байзақ ауда­­нының Сеңкібай және Жаңа­тұрмыс ауылдарында су қабылдау ғимараттары мен су құбыры желілерінің құры­лы­сы аяқталды. Аталған ауыл­­­­­дардағы құрылыс жұ­мыс­­­тары ағымдағы жылдың сәуір айында басталған. Жұ­мыстың жалпы құны 341,6 мың теңгені құрайды.

«Таза ауыз су – денсау­лық­­тың кепілі екені белгілі. Аудан бойынша сегіз елді ме­кен­­де тиісті жұмыстар жүр­­гі­­зілді.­ Соның төртеуі ауыз су жүйесіне қосылып үл­гер­ді. Бүгінде мұндай ел­ді мекендер саны 24-ке же­тіп отыр. Мырзатай ауыл­дық округіне салынған 500 млн теңгенің 350 млн тең­гесі Сеңкібай ауылына тие­сі­лі. Соның ішінде 341 млн теңге сумен жабдықтау жо­ба­сына бағытталды. Ал қал­ған қаражат үш көшені жа­рық­тандыруға жұмсалды», дейді Байзақ ауданы әкімінің орынбасары Қайрат Исмаил.

Бұл ретте ауыл тұрғын­да­ры Амангелді Әлімбаев, Әуесхан Байгелов жер­гі­лікті жұртшылықтың мә­се­­лесін шешіп, ауылды таза ауыз сумен жабдықтау жобасын сапалы жүзеге асыр­ға­ны үшін көпшіліктің атынан тиісті азаматтарға риза­шы­лық­та­рын білдіруде.

Сонымен қатар Жаңа­тұр­мыс ауылындағы су қа­был­дау нысаны мен су құ­быры желілері де іске қо­сыл­­ды. Ауылға таза ауыз су тартудың нәтижесінде жер­гі­лікті тұрғындарды жұ­мыс­­пен қамту мәселесі де оң шешімін табуда. Мәселен, ауыз су кірген екі елді мекенде де жергілікті тұрғындар арасынан «Байзақ Су» ком­муналдық мемлекеттік кә­сіп­орны арқылы 3 машинист және 1 бақылаушы тұ­рақ­ты жұмысқа қабыл­дан­ған. Қазіргі кезде екі бір­дей ауылдың халқы таза ауыз­ су­дың игілігін көріп отыр.

Талай жылдан бергі тү­йін­ді мәселелерді шешу об­лыс орталығымен іргелес жатқан Жамбыл ауданында да жүзеге асуда. «Жұмыспен қамтудың жол картасы» мем­ле­кеттік бағдарламасы ая­сында аудандағы 110 үй­дің тұрғындары таза суға қосылды. Мемлекет қолдауының нәтижесінде бас мердігер «Жігер-2004» ЖШС әр аулаға құбыр тарту жұмыстарын жүргізіп берді. Енді аталған үй иелері орталықтандырылған желіге қосылуы керек. Бұл ретте Жамбыл ауданының әкімі Сәкен Арубаев мемлекеттік бағдарламалар ауылдарды дамытуда және адамдардың өмір сүру сапасын жақсартуда маңызды рөл атқаратынын айта келіп, аудандағы Қара­тау ауылына ауыз су мен газ берілген соң, көшелерді жарықтандыру, жол жабындысын төсеу жұмыстары жүргізілетінін жеткізді. Ал­да­­ғы уақытта ауданның кей­­бір ауылдарындағы ауыз­ су мәселелері кезең-кезеңі­мен шешілетін болады.

Мемлекет қолдауының нәти­жесінде Жуалы ауда­ны, Жұрымбай ауылына да таза ауыз су келді. Бүгінде ауыл тұрғындары талай жылдан бері өзекті мәселеге айналып келген таза судың игі­лігін көруде. Ауылға таза ауыз су тартуға үлес қос­­қан «Байсын-А» ЖШС өкілдерінің айтуынша, су 126 метр тереңдіктен тартылып отыр екен. Сонымен қатар 16 шақырым су құбыры жүргізілген. Ал Жуалы ауда­нының әкімі Нарбай Ерге­бековтің айтуынша, биыл тағы бірнеше ауыл таза ауыз суға қосылады. Ол жыл са­йын ауданның елді мекен­д­ерін ауыз сумен қам­та­ма­сыз ету деңгейінің артып келе жатқанын айтып, биыл нақты тағы бес ауыл орта­лықтандырылған сумен қам­та­масыз етілетінін жет­кізді.

Су – тіршілік көзі. Алайда көптеген ауылдықтың таза ауыз суға әлі де болса қол жеткізе алмай келе жат­қа­ны шындық. Десе де, аталған үш ауданда жыл басында көп жылғы мәселелер оң шешімін та­буда. Бірақ мұнымен Жам­был облысындағы бар­лық ауданда ауыз су мәсе­лесі толығымен шешілді деу­ге болмайды. Мұндай мә­се­ле аталған Байзақ, Жам­­был, Жуалы аудан­да­ры­ның өзінде әлі де бар. Сол сияқты, Т.Рысқұлов, Мойынқұм, Сарысу сияқты бірқатар аудан­да­ғы кей­бір ауылдардың су мәсе­лесі әлі шешілмеген. Де­ген­мен, мемлекет қол­дауы­ның нәтижесінде, бағ­дар­ламалардың аясында мұн­дай мәселелер келешекте ше­шіліп қалар деген тұр­ғын­дар­дың үміті басым...

Жамбыл облысы