Технология • 21 Қаңтар, 2021

Желден қуат жинайды

350 рет
көрсетілді
1 мин
оқу үшін

Баламалы қуат көзінің бірі – жел энергиясы. Заңғар көкпен таласқан таулары жоқ Атырауда бұған мол мүмкіндік бар. Ұдайы соғатын өкпек желі бар өңірдегі Мақат ауданында баламалы энергия өндіретін станса салынып жатыр.

Желден қуат жинайды

Аудан әкімі Шәкір Кейкин­нің мәліметінше, осы мақсатқа 500 гектар жер учаскесі бө­лінген. Жобаның инвесторы – «Дивитэл» ЖШС. Станса құ­рылысын 2022 жылы аяқтау көзделіп отыр. Қазір оған 12 адам жұмысқа тартылды. Жоба іске қосылғаннан кейін 50 адам тұрақты жұмысқа алынады.

Желден қуат жинайтын стансаға 24 қондырғы орнатылады. Оның әрқайсысы қуаты 2 МВт болатын энергия өндіреді. Жел турбиналарының биіктігі –106, ебелегінің ұзындығы – 43 метр.

– Энергия ресурстарын үнемдеу жолында ауданда бір­қатар жұмыс жүргізіліп жатыр. Ал бұл жоба баламалы энергия көздерін өндірудің тиімді тәсілі. Мамандар аталған жобаны бастамас бұрын арнайы талдау жүргізіп, тәжірибеден өткізді. Жел электр стансасы ауданды электр қуатымен то­лық қамтуға мүмкіндік бе­реді, – дейді аудан әкімі.

 

Атырау облысы