Аймақтар • 23 Қаңтар, 2021

Бақытжан Сағынтаев депутаттармен бірге мегаполистің инфрақұрылымдық даму жоспарын талқылады

114 рет
көрсетілді
1 мин
оқу үшін

Алматыдан партиялық тізімге енген VII шақырылымдағы Парламент Мәжілісінің бір топ депутаттарымен кездесуде алматылықтардың өмір сүру сапасын жақсартуға бағытталған инфрақұрылымдық жобаларды іске асыру мәселесі қаралды, деп хабарлайды Egemen.kz.

Бақытжан Сағынтаев депутаттармен бірге мегаполистің инфрақұрылымдық даму жоспарын талқылады

Қала әкімі Бақытжан Сағынтаев депутаттарды VII шақырылымдағы Парламент Мәжілісіне сайлануымен құттықтап, қалалықтардың өтініштерін шешу үшін сайлау алдындағы уәделерді орындау бойынша бірлесіп жұмыс істеуге шақырды.

Б. Сағынтаев депутаттарды «Алматы-2025 даму бағдарламасының» негізгі ережелерімен және «Жаңа Алматы» кешенді даму жоспарымен таныстырды. Осы құжаттарға сәйкес қала тұрғындарының 99,3%-ын ауыз сумен қамтамасыз ету, білім беру және денсаулық сақтау нысандарын салу, сондай-ақ жол-көлік инфрақұрылымын жақсарту, жалға берілетін және несиелік тұрғын үйлер салу қарастырылған.

Сонымен қатар олар қоршаған ортаны жақсарту, тарихи орталықта құрылыс жүргізуге шектеу қою, мектепке дейінгі және қосымша біліммен қамтуды кеңейту мәселелерін талқылады. Мәжіліс депутаттары қалаға қосылған аумақтарда өмір сүрудің жағдайы мен сапасын жақсарту жөніндегі Алматы әкімдігінің бастамаларын қолдайтындықтарын білдірді.

Еске салсақ, VII шақырылымдағы Парламент Мәжілісіне сайлау қорытындылары бойынша Nur Otan партиясынан - 76, «Ақ жолдан» - 12, ҚХП-дан 10 және ҚХА-дан 9 депутат сайланды.

Соңғы жаңалықтар

Су үнемдейтін қондырғы

Технология • Кеше