Технология • 25 Қаңтар, 2021

Цифрлы офицер де болуы мүмкін

16 рет көрсетілді

Технология қарқынды дамып жатқан ғасыр­­да армияның бәсекеге қабілеттілігі көбі­несе цифрландыру деңгейіне байланысты. Қорғаныс министрінің орынбасары Дарын Тұяқовтың ойын­ша, бұл қадам цифрлы транс­формациядан басталуы тиіс. Сол себеп­ті ең алдымен Қор­ғаныс министрлігі мен Қарулы Күштерде ақ­параттық-техно­логия­­лық архитектураны әзірлеу қажет.

Бұл туралы Қорғаныс министрлігінде Дарын Тұяқовтың басшылығымен өткен ведомствоның ақпа­раттық-технологиялық архитектурасын әзір­­леу мәселесі жөніндегі кеңесте айтылды. Вице-министрдің айтуынша, жаңа құрылымды ұйымдас­тыру бес кезеңнен тұрады. Олар қызметті, мәлі­меттерді, ақпараттық жүйелерді, ақпараттық-ком­муникациялық инфрақұрылымды және кибер­қауіпсіздікті қамтиды.

Әр бөлімшеде цифрлы офицер лауазымын ен­гізуді ұсыну жоспарлануда. Құрылған мамандар кор­пусы мемлекеттік органдардың цифрлы трансфор­мациясы мәселелерімен айналысатын болады. Қа­зіргі уақытта Қорғаныс министрлігі мен Қарулы Күш­­терді ақпараттандырудың ортамерзімді жоспа­рын жасау жұмыстары жүргізіліп, IT-архитек­тураны дамытудың басым бағыттары айқындалуда. 

Бірінші кезеңде цифрландырудың ағымдық ахуалы зерделенеді. Жүргізілген мониторинг мемлекеттік органның IT-стратегиясын анықтауға және күштер мен құралдарды аз шығындай отырып, қолда бар­ ресурс­тарды ұтымды пайдалануға мүмкіндік береді. Үдерістер мен мемлекеттік қызметтерді авто­маттандырудың оңтайлы деңгейі мен форматы таң­далатын болады.

Қазақстан әскері мемлекеттің қауіпсіздігі мен тәуелсіздігін қамтамасыз ететіндіктен, цифрлы трансформация үдерісінен шет қала алмайды.

Соңғы жаңалықтар

Белградта белдеседі

Спорт • Бүгін, 09:06

Жапонияда сынға түседі

Спорт • Бүгін, 09:03

Ең бастысы – азаматтардың сенімі

Қазақстан • Бүгін, 08:43

Smart Zholy жеңімпаздары анықталды

Қазақстан • Бүгін, 08:36

Құнды қағазға қызығатындар көп

Экономика • Бүгін, 08:32

Асыл ағаның шарапаты

Руханият • Бүгін, 00:08

Құймақұлақ

Руханият • Кеше

Газ бағасы неге қымбат?

Аймақтар • Кеше

Ұқсас жаңалықтар