Қоғам • 26 Қаңтар, 2021

Қазақстандық жолшылар IRAP халықаралық бағдарламасының сарапшылары атанды

4 рет көрсетілді

ИИДМ Автомобиль жолдары комитетіне қарайтын Қазақстан жол ғылыми-зерттеу институты, Жол активтерінің ұлттық сапа орталығы, «ҚазАвтоЖол» ҰК» АҚ, сондай-ақ, Л.Б.Гончаров атындағы Қазақ автомобиль-жол академиясы және облыстық, қалалық әкімдіктерден 27 маман алғаш рет IRAP халықаралық бағдарламасының техникалық сараптамасының сертификаттарын алды, деп хабарлайды Egemen.kz.

Осылайша, қазақстандық жолшылар өздерінің біліктілігін жолдарды бағалаудың халықаралық жүйесіне бейімдеп, кәсіби деңгейлерін әлемдік тенденцияларға сәйкес жоғарылатты.

Аталған сертификат отандық мамандарға халықаралық бағдарламалар бойынша жол қауіпсіздігін бағалауға техникалық сарапшы ретінде қатысуға мүмкіндік беріп, оқыту кезінде алған білімнің сәйкестігін растайды. Сертификатқа ие мамандар Қазақстанның бүткіл жол желісін қауіпсіздік деңгейіне сәйкестендіріп 5 балдық жүйе бойынша бағалауда. Олар зерттелген жол учаскелеріндегі қауіпті аймақтарды анықтап, жол-көлік оқиғалары қаупін барынша азайту үшін инвестициялық жоспар жасайды. Бүгінге дейін сарапшылар халықаралық кеңесшілермен бірлесіп, еліміздегі республикалық автомобиль жолдары желісінің 5 000 шақырымын және қалалық жолдардың 1 000 шақырымын зерттеді. Ал соңғы 6 жылда 137 мемлекеттен 28 000 маман осындай сәйкестендіру сертифкатын алған екен.

Еске сала кетейік, IRAP жүйесін енгізу жөніндегі жоба Дүниежүзілік банктің қолдауымен және Қазақстан Республикасы Индустрия және инфрақұрылымдық даму министрлігі Автомобиль жолдары комитетінің бастамасымен жүзеге асырылды.

Соңғы жаңалықтар

Медбикенің мұнысы не?

Аймақтар • Кеше

Доллар арзандап келеді

Экономика • Кеше

Ұқсас жаңалықтар