Медицина • 28 Қаңтар, 2021

Алматыда обырға шалдыққандар көбейген

44 рет көрсетілді

Өткен 2020 жылы 14 мыңнан астам науқас Алматы онкологиялық орталығында стационарлық ем қабылдады, деп хабарлайды Egemen.kz

Өкінішке орай, Алматы қаласында онкологиялық науқастар саны 2019 жылмен салыстырғанда 1733-ке адамға көбейген. Өткен жылы бұл көрсеткіш 14546 науқасты құраса, 2019 жылы 12813 науқас емделді. 2020 жылғы көрсеткіштер бойынша қатерлі ісіктің ең көп таралған түрі – сүт безі қатерлі ісігі, одан кейінгі орындарда ішек пен асқазан қатерлі ісіктері.

«Алматы онкологиялық орталығының хирургтары аптасына 45-55 ота жасайды. Мәселен, өткен жылы 2514 ота жасалған. Олардың ішінде кеуде қуысы, іш, онкоурология, бас және мойын ісіктеріне арналған оталар бар. Олардың 40% инвазивті, яғни лапароскопиялық жолмен жасалатын оталар», - дейді онкохирургия бөлімінің меңгерушісі Нұрлан Балтаев.

Бүгінде алматылық мамандар ісікті жою оталарын жасап қана қоймай, анатомиялық ақауларды пластикалық жолмен жоюды жүзеге асырып жүр. Мәселен, былтыр тілдің түбірінің қатерлі ісігі диагнозы қойылған науқасқа ота үстелінде анатомиялық ақауларды пластикалық жолмен жоя отырып, күрделі ота жасалынды. Оталау бинокулярлық оптика астында 7 сағатқа созылды. Көлемі 20 см болған ісікті дәрігерлер терімен бірге алып тастады. Ота сәтті өтіп, науқас қазіргі уақытта тек сөйлей ғана емес, сонымен қатар өздігінен тамақтана алады.

Соңғы жаңалықтар

Медбикенің мұнысы не?

Аймақтар • Кеше

Доллар арзандап келеді

Экономика • Кеше

Ұқсас жаңалықтар