Аймақтар • 16 Ақпан, 2021

Атырауда заңсыз жұмыс істеп жүрген 27 шетелдік анықталды

182 рет
көрсетілді
1 мин
оқу үшін

Атырау облысының Жылыой ауданында 27 шетелдік азамат заңсыз жұмыс тартылыпты. Бұл республикалық «Мигрант» жедел профилактикалық іс-шарасы кезінде анықталып отыр.

Атырауда заңсыз жұмыс істеп жүрген 27 шетелдік анықталды

«Республикалық іс-шараның алғашқы күнінде Жылыой аудандық полиция бөлімінің қызметкерлері Құлсары қаласындағы құрылыс нысандарында тексеру жүргізді. Тексеру кезінде жергілікті атқарушы органның рұқсатын алмай, заңсыз еңбекке тартылған Өзбекстан Республикасының 27 азаматы анықталды» деп мәлім еттіоблыстық полиция департаментінің баспасөз қызметінен.

Құрылыс нысанында заңсыз жұмыс істеп жүрген шетелдіктерге қатысты ҚР Әкімшілік құқықбұзушылық Кодексінің 517-бабының 5-бөлімімен әкімшілік іс қозғалды.