Алматы мәслихатының депутаттары COVID-19 вирусына қарсы вакцина салдырды

Аймақтар • 16 Ақпан, 2021

Алматы мәслихатының депутаттары COVID-19 вирусына қарсы вакцина салдырды

46 рет көрсетілді

Алматы қаласы мәслихатының депутаттары коронавирусқа қарсы екпе салдырды. VII сайланым депутаттарынан құралған бастамашы топ вакцина салуға алғашқылардың бірі болып ерік білдірді.

Айнаш ЕСАЛЫ

Екпе Алматы қаласындағы №5 емханада салынды. Алматылық мәслихат депутаттары алдымен дәрігерлердің тексеруінен өтіп, қан талдамасын тапсырды. Екпе салдырғаннан кейін 30 минут бойы дәрігер бақылауында болды.

"Пандемия кезінде коронавирус жұқтырып алу қаупі вакцина салдыру қаупімен салыстырғанда әлдеқайда жоғары екенін түсінемін. Біз адамдар арасында жиі жүреміз, сондықтан вакцина өте маңызды. ДДҰ пайымдауынша, жаппай вакциналаудың арқасында ғана пандемияны тоқтатып, адамдардың өмірін сақтап қалуға болады", - деді Алматы қалалық мәслихатының депутаты Станислав Канкуров.

2021 жылдың 1 ақпанынан бастап халықты жаппай вакциналауға арналған ауқымды кампания басталды.

"Дәрігер болғандықтан, коронавирустың таралуына жаппай вакцина салдыру ғана қарсы тұра алатынын түсінемін. Иммундау ауру қаупін бірнеше есеге азайтатынын түсінуіміз керек. Бүгін әріптестерімізбен бірге халықтың қауіпсіздігі біз үшін аса маңызды екенін көрсеткіміз келеді. Бұл вирусты осылай ғана жеңе аламыз", - деді Алматы қалалық мәслихатының депутаты Әсия Ақанова.

Қазақстанда коронавирустан вакциналау тегін және ерікті түрде жүріп жатыр.

Естеріңізге салсақ, Алматы қаласы мәслихаты өз қызметінің ашық әрі таза болуын қатамасыз етуге бар күшін салып келеді.

Күннің маңызды және өзекті жаңалықтарын «Егемен Қазақстан» телеграм каналынан оқыңыз